Network Rail am ‘wella diogelwch’ ar ôl damwain Port Talbot

Diweddarwyd am  

Gorsaf reilffordd Port Talbot Parkway

Llun: Network Rail

Mae cwmni Network Rail wedi sefydlu tasglu arbennig er mwyn gwella diogelwch gweithwyr ar reilffyrdd.

Daw’r cynllun gwerth £70m ar ôl i ddau ddyn gael eu taro gan drên ger Port Talbot yr wythnos ddiwethaf (Gorffennaf 3).

Yn ôl yr heddlu, mae lle i gredu bod y ddau weithiwr, Michael Lewis, 58, a Gareth Delbridge, 64, wedi methu â chlywed y trên yn dod oherwydd eu bod yn gwisgo offer diogelwch dros eu clustiau.

Mae Network Rail, sydd wedi bod o dan y lach ers y digwyddiad, yn bwriadu gwella systemau o ran rhybuddio gweithwyr ynglŷn ag unrhyw drenau sy’n agosáu.

Maen nhw hefyd am sicrhau bod gweithwyr yn cael eu briffio’n dda cyn cychwyn ar unrhyw waith, a bod eu hiechyd a’u ffitrwydd yn cael eu rheoli’n well.

Gwella diogelwch

Bydd y tasglu newydd yn cydweithio â sefydliadau eraill sy’n gysylltiedig â’r diwydiant rheilffordd, yn ogystal â chontractwyr ac undebau gweithwyr.

“Dydw i ddim eisiau gweld gweithiwr arall yn marw ar y rheilffordd,” meddai Prif Weithredwr Network Rail, Andrew Haines.

“Dyna pam yr ydym ni’n creu’r tîm newydd hwn sy’n cael ei gefnogi gan gyllid go sylweddol er mwyn gwneud gwahaniaeth a sicrhau bod gwaith ar y rheilffordd yn ddiogelach i’n pobol.

“Allai ddim meddwl am dasg sy’n bwysicach.”

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer