Gwrthod cais i glywed am ymddygiad rhywiol Carl Sargeant

Diweddarwyd  
Llun agos o'i wyneb

Carl Sargeant

Llun oddi ar gyfrif Twitter Carl Sargeant

Mae’r crwner yn y cwest i farwolaeth Carl Sargeant wedi gwrthod cais i glywed tystiolaeth am ei gamymddygiad rhywiol.

Cyfreithwyr Carwyn Jones, cyn-brif weinidog Cymru, oedd wedi cyflwyno’r cais i’w gwest yn Rhuthun.

Cafwyd hyd i gorff y cyn-Weinidog Cymunedau a Phlant yn ei gartref yng Nghei Conna ar Dachwedd 7, 2017, ddyddiau’n unig ar ôl iddo gael ei ddiswyddo yn sgil yr honiadau.

Roedd y cyfreithwyr am alw Aaron Shotton, cyn-arweinydd Cyngor Sir y Fflint, a allai fod wedi gwrthddweud tystiolaeth Bernie Sargeant, ei weddw.

Roedden nhw’n honni nad oedd ei thystiolaeth yn gyflawn, ond cafodd eu cais ei wrthod ar y sail ei fod yn gais “tactegol”.

Cafodd cais blaenorol i glywed y dystiolaeth, sy’n cynnwys negeseuon ffôn yn ymwneud â’i ymddygiad, ei wrthod gan yr Uchel Lys yn gynharach eleni, ac mae’r cais diweddaraf hwn yn “ymgais arall” i glywed y dystiolaeth honno, meddai’r crwner.

Cefndir

Clywodd y cwest fod Bernie Sargeant yn ymwybodol o un llythyr am ymddygiad ei gŵr yn 2014, oedd yn honni na ddylai fod yng nghwmni menywod.

Ond mae cyfreithwyr yn dadlau bod tystiolaeth Aaron Shotton yn awgrymu bod yna ail lythyr.

Dywedodd mewn datganiad fod Bernie Attridge, cyd-gynghorydd Llafur, wedi dweud wrtho fod Carl Sargeant wedi derbyn llythyr di-enw yn honni iddo gael ei weld mewn gardd tafarn gyda dynes.

Dywedodd Aaron Shotton hefyd fod yna awgrym o ddigwyddiad ar noson ei briodas, er nad oedd e’n dyst i’r digwyddiad honedig hwnnw.

Fe fu’r cyfreithwyr yn dadlau y byddai clywed y dystiolaeth yn gymorth i benderfynu a yw Bernie Sargeant yn dyst dibynadwy.

Wrth ymateb, dywed cyfreithiwr teulu Carl Sargeant mai sïon yn unig fyddai tystiolaeth Aaron Shotton.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer