Aelod Cynulliad yn gwrthddweud tystiolaeth gan Carwyn Jones

Diweddarwyd am  
Llun agos o'i wyneb

Carl Sargeant

Llun oddi ar gyfrif Twitter Carl Sargeant

Mae Aelod Cynulliad wedi gwrthddweud tystiolaeth gan y cyn-Brif Weinidog Carwyn Jones yn y cwest i farwolaeth Carl Sargeant.

Cafwyd hyd i gorff y cyn-aelod o Gabinet Llywodraeth Cymru yn crogi yn ei gartref yng Nghei Conna ar Dachwedd 7, 2017, ddyddiau’n unig ar ôl iddo gael ei ddiswyddo yn dilyn honiadau o gamymddwyn rhywiol.

Roedd y cwest i’w farwolaeth wedi ail-ddechrau heddiw (dydd Llun, Gorffennaf 8) ar ôl cael ei ohirio am gyfnod amhenodol ym mis Tachwedd y llynedd. Roedd yn dilyn penderfyniad i alw Carwyn Jones, Prif Weinidog Cymru ar y pryd, yn ôl i roi tystiolaeth ac i ganiatáu i her gyfreithiol gael ei wneud.

Roedd Carwyn Jones wedi dweud ar y pryd bod “gofal bugeiliol” wedi cael ei gynnig i Carl Sargeant ar ôl iddo gael ei ddiswyddo a bod Aelod Cynulliad Dyffryn Clwyd Ann Jones wedi cael y dasg o gysylltu gydag o.

Ond yn ystod y cwest yn Neuadd y Sir yn Rhuthun heddiw dywedodd Ann Clwyd nad oedd hi’n credu ei bod wedi cael rôl swyddogol.

Dywedodd ei bod wedi cael neges gan Matt Greenough, prif ymgynghorydd arbennig Carwyn Jones, ar y noson pan gafodd Carl Sargeant ei ddiswyddo. Yn y neges roedd yn dweud nad oedd Carl Sargeant wedi ymateb yn rhy dda i’r penderfyniad i’w ddiswyddo ac roedd wedi gofyn i Ann Jones “roi caniad” iddo dros y penwythnos.

Dywedodd Ann Jones wrth y cwest ei bod wedi ffonio ac anfon neges at Carl Sargeant ond nad oedd hi wedi cael ateb ganddo tan ddydd Llun, ddiwrnod cyn ei farwolaeth.

Ychwanegodd ei bod wedi cael galwad ffôn gan Carwyn Jones y diwrnod wedi marwolaeth Carl Sargeant.

“Dywedodd ei fod am ddweud wrth y wasg ei fod wedi gofyn i fi roi gofal i Carl. Dw i’n cofio dweud wrtho ‘peidiwch â gwneud hynny, nid dyna oedd fy nealltwriaeth i’.”

Wrth roi tystiolaeth ym mis Tachwedd y llynedd roedd Carwyn Jones wedi dweud bod gan yr AC ddwy rol – i fod yn gysylltiad rhwng y grŵp Llafur a Carl Sargeant ac i roi gofal bugeiliol iddo hefyd.

Ond mae Ann Jones wedi dweud nad dyna oedd ei dealltwriaeth hi o’r cais i gysylltu â Carl Sargeant.

Mae disgwyl i Carwyn Jones, a oedd wedi camu o’i swydd yn Brif Weinidog ym mis Rhagfyr y llynedd, a Matt Greenough roi tystiolaeth yn ddiweddarach heddiw.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer