Iawndal o £9,000 i fyfyriwr Prifysgol Caerdydd a wrthododd frechiad

 
Hen adeilad y Brifysgol

Prifysgol Caerdydd

(Llun CC Parth Cyhoeddus)

Mae Prifysgol Caerdydd wedi gorfod talu iawndal o dros £9,000 i fyfyriwr a gafodd ei ddiarddel o gwrs gofal iechyd am wrthod cael brechiad.

Roedd y Brifysgol wedi sylweddoli ei fod wedi methu rhoi gwybodaeth ynglŷn â gofynion imiwneiddio’r cwrs.

Roedd y myfyriwr hefyd wedi llenwi holiadur ar ôl cofrestru ar y cwrs oedd yn datgan ei fod yn gwrthod pigiadau, ond doedd y brifysgol heb adolygu hynny’n iawn.

Cafodd y myfyriwr, sydd ddim i gael ei enwi, ei drosglwyddo i raglen arall, ar ôl i Bwyllgor Addasrwydd i Ymarfer y brifysgol benderfynu y byddai cadw’r myfyriwr ar y cwrs yn rhoi eu hiechyd a iechyd y claf mewn peryg.

Ond fe gefnogodd Swyddfa’r Dyfarnwr Annibynnol gwynion y myfyriwr yn erbyn y penderfyniad, gan ddweud bod y brifysgol wedi caniatáu i’r myfyriwr gofrestru ar raglen na allai fod wedi’i chwblhau oherwydd y gofynion iechyd.

Yn dilyn hyn, fe argymhellodd y Swyddfa fod y brifysgol yn cynyddu eu cynnig iawndal cychwynnol o £5,000 i £9,342 er mwyn talu’n ôl ei ffi am lety myfyrwyr.

Ond ni chefnogodd y dyfarnwyr apêl y myfyriwr yn erbyn cael ei ddiarddel o’r cwrs.  

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer