Tasglu Ford yn cyfarfod am y tro cyntaf

Diweddarwyd am  
Llun agos o'r logo ar flaen car

Logo cwmni Ford

Llun: parth cyhoeddus

Fe fydd tasglu cwmni ceir Ford ym Mhen-y-Bont ar Ogwr yn cyfarfod am y tro cyntaf heddiw (Dydd Llun, Gorffennaf 1) i ystyried ffyrdd o helpu’r gweithwyr, diogelu dyfodol y ffatri ac effaith cau’r safle ar y gymuned.

Bydd 1,700 swydd yn cael eu colli ym mis Medi’r flwyddyn nesaf ar ôl i’r cwmni benderfynu cau’r safle ym Mhen-y-bont ar Ogwr.

Mae gweithwyr y ffatri wedi bygwth mynd ar streic mewn brwydr yn erbyn y cynlluniau i gau.

Yn arwain y cyfarfod bydd Cadeirydd y tasglu, yr Athro Richard Parry-Jones, sydd hefyd yn gadeirydd ar Fforwm Modurol Cymru.

Bu hefyd yn gweithio fel Prif Swyddog Technegol ac yn Bennaeth Gweithrediadau Ymchwil a Datblygu Byd-Eang cyn ymddeol yn 2007.

Mae’r tasglu wedi cael ei sefydlu yn bennaf i helpu gweithwyr sydd wedi eu colli eu swyddi a bydd cynrychiolwyr Ford, llywodraethau Cymru a gwledydd Prydain, swyddogion undebau ac arweinwyr cyngor sir yn rhan o’r trafod.

“Rhaid i’r effaith mae cyhoeddiad Ford wedi’i chael ac yn dal i’w chael ar y bobol sy’n byw a gweithio ym Mhen-y-bont ar Ogwr fod ym mlaen ein meddyliau a’n hymdrechion,” meddai Ken Skates, Gweinidog yr Economi.

“Gwelsom pa mor llwyddiannus all y fath weithgorau fod wrth helpu i gyfateb sgiliau â chyfleoedd mewn llefydd eraill yng Nghymru, ac mae’n hanfodol bwysig fod y gweithgor hwn yn enwedig yn ystyried, nid yn unig y cyfraniad sylweddol sydd gan y gweithlu a’r cyfleuster i’w gynnig.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer