Merch gyhyrog o Geredigion yw Miss Bicini gwledydd Prydain

Diweddarwyd  

Carys Llewelyn

Llun: Carys Llewelyn

Mae Cymraes Gymraeg o Geredigion wedi bod yn sôn wrth gylchgrawn Golwg am y profiad o ennill y British Miss Bikini Open Title yn Southport ar Lannau Merswy.

Bydd Carys Llewelyn yn mynd yn ei blaen i gynrychioli gwledydd Prydain mewn cystadleuaeth corff lunio rhyngwladol ym mis Tachwedd.

Mae’r ferch o Geredigion yn cystadlu yn y categori i rai sy’n fach o gorff, ac amaturiaid yw pawb sy’n cymryd rhan.

Er hynny, mae’r drefn o ran ymarfer corff yn llym a’r arferion bwyta’n iach yn haearnaidd.

“Mae’r paratoi yn galed iawn o ran yr ymarfer corff – dw i’n gwneud dwy awr a hanner bob dydd,” meddai Carys Llewelyn wrth gylchgrawn Golwg.

“Yn y bore fydda i’n gweithio ar losgi bloneg ar ôl dihuno, a chyn brecwast – mynd mas i redeg, neu fynd ar feic ymarfer corff, rhywbeth fel yna am dri chwarter awr.

“Wedyn fydda i’n codi pwysau am awr yn ystod y dydd ac wedyn 30 eiliad o ymarfer yn galed a 30 eiliad o seibiant a hynny am chwarter awr. Cyn mynd i’r gwely fydda i’n ymarfer yr ysgwyddau, gwddf a chefn.”

Mwy am lwyddiant Carys Llewelyn yn rhifyn yr wythnos o gylchgrawn Golwg

Chwaraeon Eraill

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019