Beio Brexit am y gostyngiad yn niferoedd Eisteddfod Llangollen

Diweddarwyd  

Cystadleuwyr lliwgar ar lwyfan Eisteddfod Ryngwladol Llangollen

Llun: Eisteddfod Llangollen

Dyw pobol Ewrop ddim yn siŵr os oes croeso iddyn nhw yn y Deyrnas Unedig – ac mae hynny oherwydd Brexit.

Dyna mae Cadeirydd Eisteddfod Llangollen, Dr Rhys Davies, wedi ei rybuddio ar drothwy’r ŵyl ryngwladol yn y gogledd fydd yn cychwyn ddydd Llun.

Er bod 50,000 o bobol yn dal i ymweld â’r ŵyl bob blwyddyn, mae’r nifer o rheiny sydd o’r cyfandir yn cwympo, ac mae Rhys Davies awgrymu bod Brexit yn rhannol ar fai.

“Mae’r nifer o ymwelwyr o Ewrop eisoes wedi disgyn,” meddai wrth golwg360.

“Mae hynny’n rhannol  oherwydd y costau. Mae cymaint yn rhatach i’r rheiny sy’n byw ar y cyfandir i ymweld â gwyliau fan yna, yn hytrach na theithio dros y sianel.

“Hefyd, ers i drafodaethau Brexit ddechrau mae ein cenedl wedi dod yn rhanedig, ac mae ein ffrindiau Ewropeaidd yn fwyfwy ansicr ynglŷn ag a fyddan nhw’n cael eu croesawu yma.”

Eisteddfod Llangollen

Bydd Eisteddfod Ryngwladol Llangollen yn cael ei hagor gan y cyflwynydd, Jools Holland, ddydd Lun nesaf ac yn gorffen ar ddydd Sul, Gorffennaf 7.

Bydd cystadlaethau yn cael eu cynnal yn ddyddiol, gyda Gipsy Kings a Rolando Villazón ymhlith y rheiny a fydd yn perfformio yng nghyngherddau’r hwyr.

Mae 4,000 o berfformwyr rhyngwladol yn cymryd rhan bob blwyddyn.

Mae Dr Rhys Davies yn credu bod yr ŵyl yn gyfle i “sicrhau nad ydym yn colli ein ffrindiau o Ewrop” ac yn ffordd o ddod â “chenhedloedd at ei gilydd”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones