Pryderon am ddyfodol ffatri gaws GRH Foods yng Ngwynedd

Diweddarwyd  

Liz Saville Roberts AS

Llun: Chris McAndrew CC2.0 trwy Gomin Wicimedia

Mae 90 o swyddi yn y fantol mewn ffatri gaws yng Ngwynedd yn dilyn amheuon ynghylch dyfodol cwmni GRH Foods.

Yn ôl adroddiadau, cafodd gweithwyr yn y ffatri yn ardal Minffordd, rhwng Penrhyndeudraeth a Phorthmadog, wybod y bore yma (dydd Llun, Mehefin 24) eu bod yn wynebu colli eu swyddi wrth i’r cwmni gael ei roi yn nwylo’r derbynwyr.

Mae golwg360 yn deall bod cwmni KPMG wedi ei benodi’n weinyddwyr ar y cwmni.

Mae Aelod Seneddol Dwyfor Meirionnydd, Liz Saville Roberts, a’r cynghorydd lleol, Gareth Thomas, eisoes wedi cyfarfod â GRH Foods er mwyn trafod y mater.

“Trist iawn yw deall fod y cwmni lleol yma bellach yn nwylo’r derbynwyr, gan beryglu 90 o swyddi lleol,” meddai.

“Rwy’n arbennig o bryderus fod y cyfleusterau yma sydd â’r dechnoleg gynhyrchu ddiweddaraf, bellach dan fygythiad, a hynny ar ôl derbyn oddeutu £1.5m o arian cyhoeddus gan y Llywodraeth.

“Rhaid i’n prif ffocws fod ar y gweithwyr lleol yr effeithir arnynt gan y newyddion ofnadwy yma, a fydd yn ddealladwy, yn poeni am eu dyfodol.

“Galwaf ar Lywodraeth Cymru i gamu mewn a chynnal cyfarfod brys a’r gweinyddwyr KPMG i sicrhau fod y buddsoddiad pwysig yma mewn cynhyrchu bwyd yng ngogledd orllewin Cymru yn cael ei ddiogelu i’r dyfodol.”

Mae golwg360 wedi gofyn i Lywodraeth Cymru a KPMG am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer