Merch Gari Williams fydd yn arwain Cymru a’r Byd yn Llanrwst

 
Nia Wyn Jones, a fydd yn arwain Cymru a'r Byd yn Llanrwst eleni

Nia Wyn Jones, a fydd yn arwain Cymru a’r Byd yn Llanrwst eleni

Llun: Eisteddfod Genedlaethol

Mae’r Eisteddfod Genedlaethol wedi cadarnhau mai Nia Wyn Jones o’r Alban fydd ‘Arweinydd’ y Cymry o dramor yn Sir Conwy eleni.

Roedd ei thad, y digrifwr Gari Williams, yn enedigol o Lanrwst, sef lleoliad y brifwyl ym mis Awst.

Yn wreiddiol o Fae Colwyn, graddiodd Nia Wyn Jones o’r Coleg Normal yn ninas Bangor cyn mynd i weithio ym myd teledu gyda chwmni Antena ar y rhaglen Uned 5.

Symudodd i Dorking yn Swydd Surrey am gyfnod, cyn dychwelyd i ogledd Cymru, gan briodi a rhoi genedigaeth i’w mab, Aaron Emyr.

Dechreuodd y teulu deithio ymhellach gan fod gŵr Nia Wyn Jones yn gweithio yn y diwydiant olew. Eu cartref cyntaf oedd Okpo yn Ne Corea ac yna Singapore, lle bu’r Gymraes yn Llywydd Cymdeithas Gymraeg Dewi Sant Singapore am bron i dair blynedd.

Mae’r teulu bellach wedi dychwelyd i wledydd Prydain ac wedi ymgartrefu yn ninas Aberdeen.

Bydd Nia Wyn Jones yn cael ei hanrhydeddu mewn seremoni ar gychwyn Cymanfa Ganu’r Eisteddfod Genedlaethol ar Awst 4.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019