Ymgyrchwyr iaith am lansio corff rheoleiddio darlledu newydd i Gymru

Diweddarwyd am  

Tafod y Ddraig

Llun: Cymdeithas yr Iaith

Mae ymgyrchwyr iaith yn bwriadu lansio eu corff cyfathrebu eu hunain er mwyn rheoleiddio darlledu yng Nghymru.

Daw’r bwriad i greu corff cysgodol, yn lle Ofcom, yn dilyn yr hyn mae Cymdeithas yr Iaith yn ei ystyried yn “gyfres o benderfyniadau dadleuol” gan y rheoleiddiwr sy’n “tanseilio lle Cymru a’r Gymraeg yn y cyfryngau”.

Ymhlith y penderfyniadau hynny, meddai’r ymgyrchwyr, mae diddymu sioeau brecwast Capital oedd yn cael eu darlledu o Gymru, a gadael i Radio Ceredigion ddod i ben.

Bydd y Cyngor Cyfathrebu Cenedlaethol yn cael ei lansio mewn cyfarfod gan Gymdeithas yr Iaith yn Hendy-gwyn ar Daf heddiw (dydd Llun, Mehefin 24).

‘Diffyg sylw i Gymru’

“Ar hyn o bryd, mae diffyg sylw difrifol i faterion Cymreig a’r Gymraeg,” meddai Heledd Gwyndaf, Cadeirydd Grŵp Digidol Cymdeithas yr Iaith. “Mae’r system bresennol yn fygythiad real i ddemocratiaeth Cymru ac i’r iaith Gymraeg.

“Felly heddiw, rydyn ni’n symud ymlaen â’r broses i unioni’r cam hwnnw. Mae hyn yn golygu diddymu dylanwad Ofcom yng Nghymru a sefydlu’r Cyngor Cyfathrebu Cenedlaethol.

“Bydd y Cyngor Cyfathrebu Cenedlaethol yn creu strwythur rheoleiddio ym maes darlledu a chyfathrebu, yn datblygu polisïau ac yn llunio’r camau sydd rhaid eu cymryd i ddatganoli’r maes yng Nghymru.

“Mae’r Llywodraeth wedi gwrthod ymgymryd â’r gwaith hwn, felly bwrwn ymlaen ein hunain.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer