“Contractau mawr” i gwmnïau niwclear Cymru

 

Ystafell reoli, atomfa niwclear

Llun: CC0

Fe fydd busnesau o Gymru sy’n rhan o’r gadwyn gyflenwi’r diwydiant niwclear, yn manteisio ar gytundeb gyda busnesau tebyg yn Sbaen, meddai Llywodraeth Cymru.

O ganlyniad i lofnodi Memorandwm Cyd-ddealltwriaeth gyda’r wlad fe fydd y busnesau yng Nghymru yn gallu elwa o “gontractau mawr” yn y diwydiant.

Daw hyn yn dilyn taith Fforwm Niwclear Cymru, gyda chefnogaeth Llywodraeth Cymru, i ymweld â Santander yn Sbaen i gyfarfod â chynrychiolwyr Clwstwr Diwydiant Niwclear Cantabrian.

Mae disgwyl i fusnesau o Gymru ennill cytundebau sylweddol ar ben y cyfle i gydweithio gyda chwmnïau Sbaen.

 “Fel rhan o grŵp mwy o faint, mae ganddynt lawer mwy o gyfleoedd i elwa ar y contractau hyn,” meddai Gweinidog yr Economi, Ken Skates.

“Mae hyn yn golygu ein bod yn gallu cadw arbenigedd yn y gadwyn gyflenwi niwclear yng Nghymru, a’r swyddi medrus iawn sy’n rhan ohoni.

“Rwy’n falch bod Llywodraeth Cymru wedi gallu cefnogi’r prosiect ar y cyd hwn drwy Gronfa Cydnerthedd yr Undeb Ewropeaidd.”

Trwy’r cytundeb bydd cyfleoedd i fusnesau yng Nghymru gefnogi’r gwasanaeth a chyflenwi prosiect atomfa niwclear Hinkley Point C a phrosiectau eraill ledled gwledydd Prydain.

 Ymhlith y cwmnïau o Gymru a gymerodd ran yn yr ymweliad â Cantabria yn Santander oedd Acorn Recruitment, Huntingdon Fusion Techniques, Teddington Engineered Solutions, C&P Engineering, Roberts & Prowse a Site Heat Treatment Services.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones