Carchar i leidr am ymosod ar ddynes oedrannus mewn siop yn Llanelli

 
Carchar

Carchar

Llun: Llywodraeth y Deyrnas Unedig

Mae lleidr wedi cael ei garcharu am chwe mis am ymosod ar ddynes 95 oed wrth iddi siopa yn Llanelli.

Fe ddigwyddodd yr ymosodiad ar y ddynes o Abertawe yn archfarchnad Asda ar Fehefin 13, a chafodd Neil Staton, 62, ei arestio’r diwrnod canlynol.

Fe fu’n ei dilyn hi o gwmpas y siop cyn dwyn bag oedd yn cynnwys £100 oddi arni.

Fe guddiodd y bag mewn cwdyn cyn gadael y siop, ac fe ddefnyddiodd yr arian i fetio mewn siop gerllaw.

Cafodd ei ddal gan yr heddlu wrth yrru yn y dref yn ddiweddarach, ac fe ddywedodd wrthyn nhw lle’r oedd e wedi gollwng y bag, oedd yn dal yn cynnwys eiddo’r ddynes.

Aeth Neil Staton gerbron ynadon Llanelli, lle plediodd e’n euog i ddwyn.

Yn ogystal â chael ei garcharu, fe fu’n rhaid iddo dalu gwerth £100 o gostau i’r ddynes.

 

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019