Gwahardd tri dyn wedi ffrae yn Stadiwm Dinas Caerdydd

Diweddarwyd am  
Arwyddair Cymru

Arwyddair Cymru ar wal Stadiwm Dinas Caerdydd

Gorau Chwarae Cyd Chwarae

Mae tri dyn wedi derbyn gwaharddiadau yn dilyn ffrae yn Stadiwm Dinas Caerdydd y llynedd.

Mae Lee Thomas o ardal Pentre wedi derbyn pum mlynedd o waharddiad ar ôl pledio’n euog i ymosod ar berson yn ystod y gêm rhwng Dinas Caerdydd a Manchester United ar Rhagfyr 22.

Mae Gareth Walters o Drelái a Royston Davies o Lanrhymni wedi derbyn gwerth tair blynedd o waharddiadau yr un mewn cysylltiad â’r un digwyddiad.

Yn dilyn eu dedfrydu, mae’r dynion hefyd wedi eu gorchymyn i gwblhau gwaith cymunedol a thalu iawndal.

Ffrae yn y stadiwm

Dechreuodd y ffrae yn Stand Canton ar ddiwedd hanner cyntaf y gêm pan ddaeth i’r amlwg bod bachgen, 22, o Drelái, a’i frawd, 16, a oedd yn cefnogi Manchester United, ynghanol torf o gefnogwyr Caerdydd.

Cafodd y ddau eu cludo o’r stand yn fuan wedyn, ond fe barhaodd y ffrae y tu allan.

“Roedd y dioddefwr, a’i frawd, wedi derbyn tocynnau ar gyfer yr ochr anghywir ac, yn anffodus, er gwaethaf ymdrechion taer ganddyn nhw, fe fethon nhw â rheoli eu hemosiynau pan roddwyd penalti i Manchester United,” meddai llefarydd ar ran Heddlu De Cymru.

“Er mai twpdra oedd eistedd ar ochr y cefnogwyr adre, doedd y dyn ifanc hwn ddim yn haeddu cael ei ymosod arno.”

Y dedfrydau

Roedd Gareth Walters, 34, wedi pledio’n euog i boeri yn wyneb y dioddefwr ac mae wedi ei ddedfrydu i ddeufis yn y carchar, sydd wedi ei ohirio am flwyddyn.

Mae hefyd wedi ei orchymyn i gwblhau 100 awr o waith cymunedol, ac i dalu £100 mewn iawndal a £225 ychwanegol mewn costau eraill.

Roedd Royston Davies, 47, wedi pleidio’n euog i fwrw’r dioddefwr gyda’i ddwrn, ac mae wedi ei orchymyn i gwblhau 60 awr o waith cymunedol ac i dalu £100 mewn iawndal a £170 ychwanegol mewn costau eraill.

Mae Lee Thomas, 34, a blediodd yn euog i ymosod ar y dioddefwr, wedi ei orchymyn i dalu 120 awr o waith cymunedol ac i dalu £50 mewn iawndal a £170 ychwanegol mewn costau eraill.

Derbyniodd waharddiad hirach oherwydd ei fod eisoes wedi derbyn gwaharddiad tair blynedd ym mis Mawrth, a hynny am dresbasu ar y cae fis ynghynt.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019