Ffermwr o Sir Drefaldwyn yn concro naw copa mewn tridiau

Diweddarwyd am  
Y dringwyr, ynghyd â'u cefnogwyr, ar gopa Pen-y-fan

Y dringwyr, ynghyd â’u cefnogwyr, ar gopa Pen-y-fan

Llun NFU Cymru

Mae ffermwr mynydd o Sir Drefaldwyn wedi llwyddo i godi dros £11,500 at achos da ar ôl dringo naw copa mewn llai na 72 awr gydag aelodau o’i deulu.

Roedd Matt Launder o Lanerfyl, ynghyd â’i frawd, Dan Launder, a’i frodyr-yng-nghyfraith, George Collins a Gareth Owen, wedi ymgymryd â’r her er mwyn cefnogi’r DPJ Foundation, sef elusen iechyd meddwl sy’n cynnig cymorth i gymunedau gwledig yng Nghymru.

Gan frwydro yn erbyn tywydd garw, fe lwyddodd y tîm o ddringwyr i goncro naw o gopaon uchaf gwledydd Prydain mewn 71 awr a hanner dros y penwythnos.

Roedd y copaon hynny yn cynnwys Ben Nevis, Ben Macdui, Ben Braeriach, Helvellyn, Old Man of Coniston, Scafell Pike, yr Wyddfa, Cadair Idris a Phen-y-fan.

Her fawr

“Dw i’n teimlo’n hynod o browd,” meddai Matt Launder ar ôl cwblhau’r her.

“Dw i’n teimlo ein bod ni wedi cwblhau rhywbeth ar gyfer y diwydiant ac ar gyfer y bobol hynny sy’n gweithio’n ddiflino i helpu eraill.

“Yr hyn dw i’n ei werthfawrogi o’r her oedd fy mod i wedi gallu dibynnu ar y cwmni oedd gen i pan oeddwn i’n teimlo’n isel ac yn stryglo. Roedd yna rywun yna i siarad â nhw ac i roi cefnogaeth.

“Y neges yw bod rhannu a siarad am sut rydych chi’n teimlo yn gallu helpu go iawn.”

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019