Cyngor Tref Blaenau Ffestiniog yw’r trydydd i alw am annibyniaeth

Diweddarwyd  

Erwyn Jones

Llun oddi ar ei dudalen Facebook

Mae Cyngor Tref Blaenau Ffestiniog wedi pleidleisio’n unfrydol tros gefnogi annibyniaeth i Gymru.

Gan ddilyn esiampl cynghorau trefi Machynlleth a Phorthmadog, dyma’r trydydd cyngor tref i wneud datganiad o’r fath yng Nghymru.

Cafodd y cynnig ei gyflwyno gan y cynghorydd Erwyn Jones, ac mae’n dweud bod y datganiad yn gyfle i’r cyngor ddangos “arweiniad i’r ardal”.

“Yn y cyfnod sydd ohoni, gyda Brexit yn mynd ragddo, mae Prydeindod yn cael ei chwyddo,” meddai wrth golwg360.

“Felly mae’n bwysig ein bod ni’n dangos mai Cymru ydym ni, ac ein bod ni’n codi llais dros Gymru – lle bod ni’n cael ein boddi yn y môr afiach yma o Brydeindod…

“Bach iawn yw ein dylanwad o fewn Cymru, wrth gwrs. Ond rydym yn gobeithio annog pobol eraill i godi llais. A bydd yn rhaid i’r llywodraethau uwch gymryd sylw yn y pendraw.”

Coeden fach yn tyfu’n fawr

Un o gynghorwyr ward Bowydd a Rhiw, Annwen Daniels, wnaeth eilio’r cynnig; ac mae hi’n awyddus i weld y cyngor sir yn dilyn eu hesiampl.

“Dw i’n gobeithio bydd pob cyngor tref a phlwy yng Nghymru yn ein dilyn,” meddai wrth golwg360.

“Buasai’n neis gweld Cyngor Sir Gwynedd yn gwneud yn union yr un fath. Rŵan ydy’r adeg i fynd ymlaen. Gyda Brexit â phob dim yn mynd rhagddo, rŵan ydy’r amser i fynd yn annibynnol…

“Os gewch chi sawl peth bach yn dod at ei gilydd, mae’n mynd yn entity mawr yn y pen draw. Gallwn roi mwy o bwysau ar Gaerdydd [trwy wneud hyn]. Mae coeden fach yn tyfu’n un fawr!”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer