Yr Archif Ddarlledu Genedlaethol yn derbyn £5m

Diweddarwyd am  

Llyfrgell Genedlaethol Cymru, Aberystwyth

Llun: Comin Wicimedia

Bydd yr Archif Ddarlledu Genedlaethol yn mynd yn ei blaen ar ôl i’r Llyfrgell Genedlaethol dderbyn bron i £5m mewn grant.

Bydd yr arian gan y Loteri Genedlaethol yn helpu i greu’r archif – y gyntaf o’i bath yng ngwledydd Prydain – a fydd yn cynnwys tua 240,000 awr o ddeunydd radio a theledu o Gymru ac sy’n dyddio’n ôl dros gyfnod o ganrif.

Mae’r rhan fwyaf o’r deunydd gan y BBC, a bydd yn cael ei ychwanegu at archif bresennol ITV Cymru yn y Llyfrgell Genedlaethol.

Bydd y deunydd yn cael ei gadw mewn storfa bwrpasol 1,000 metr sgwâr yn y Llyfrgell Genedlaethol yn Aberystwyth, a bydd modd i’r cyhoedd gael mynediad tuag ato mewn pedair canolfan ledled Cymru.

Bydd modd gwylio rhan o’r deunydd, sef 1,500 o glipiau archif BBC Wales, ar y We yn ogystal.

“Prosiect arloesol”

“Rydyn ni wrth ein bodd bod y Loteri Genedlaethol wedi rhoi cyllid ar gyfer y prosiect arloesol hwn fydd yn sicrhau y bydd archif BBC Wales ar gael i’r cyhoedd,” meddai Prif Weithredwr a Llyfrgellydd y Llyfrgell Genedlaethol, Pedr ap Llwyd.

“A ninnau’n gartref i Archif Genedlaethol Sgrin a Sain Cymru, a bod deunydd gan ITV Wales eisoes yn y Llyfrgell, rydyn ni’n bwriadu diogelu’r ffynhonnell hanfodol hon o dreftadaeth ein cenedl ar gyfer cenedlaethau’r presennol a’r dyfodol, a’i defnyddio i helpu sefydlu Archif Ddarlledu Genedlaethol gyntaf gwledydd Prydain.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer