Ffrae iaith: Optometreg Cymru yn gwrthod beirniadaeth

Diweddarwyd am  

Tafod y Ddraig

Llun: Cymdeithas yr Iaith

Dyw Optometreg Cymru ddim wedi ceisio “cymell” optegwyr i beidio â darparu gwasanaethau yn Gymraeg.

Dyna mae Prif Weithredwr y corff, Sali Davis, wedi ei ddweud, wedi i Gymdeithas yr Iaith eu cyhuddo o fod yn “wrth-Gymraeg”.

Mewn tystiolaeth i bwyllgor Cynulliad, mae’r corff yn nodi bod ganddyn nhw “bryderon am y goblygiadau … a ddaw o ddarparu profion clinigol mewn unrhyw iaith ond am Saesneg.”

Dywedodd Optometreg Cymru hefyd eu bod yn “cynghori” optegwyr i beidio â chynnal profion llygaid mewn sawl iaith – gan gynnwys Cymraeg – oni bai eu bod wedi astudio trwy’r iaith.

Bellach mae’r corff wedi “ymddiheuro os ydyn hyn wedi cael ei chamddehongli”.

Ymateb Optometreg Cymru

Mae’r corff yn dweud eu bod wedi “croesawu’r craffu [arnyn nhw]” , ac yn mynnu mai tynnu sylw oedden nhw at y canllawiau mae’n rhaid iddyn nhw gydymffurfio â nhw.

“Rydym wastad wedi bod yn hollol gefnogol o waith Comisiynydd yr Iaith Gymraeg,” meddai Sali Davis wrth golwg360.

“Ac roeddwn yn awyddus i ddarparu tystiolaeth fel ein bod yn medru deall sut i gefnogi practisau sydd yn medru darparu’r gwasanaethau yma trwy gyfrwng y Gymraeg.

“Wrth gwrs, rhaid gweithio o fewn y ffiniau proffesiynol rydym yn gweithio oddi fewn iddyn nhw. Rydym yn anelu at roi’r claf yn gyntaf, gan aros o fewn y ffiniau yma.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019