Gor-nai pensaer Portmeirion yw cerflunydd cofeb Normandi

Diweddarwyd  

Cofeb milwyr D-Day gan David Williams-Ellis

Llun oddi ar ei wefan yr artist, www.dwe.com

Cerflunydd sydd â’i wreiddiau ym Mhen Llŷn sy’n gyfrifol am ddylunio cofeb newydd yn Normandi, gan goffáu’r miloedd a gafodd eu lladd yn ystod cyrch D-Day 75 o flynyddoedd yn ôl.

Cafodd carreg sylfaen y gofeb yn nhref Ver-sur-Mer ei dadorchuddio gan Brif Weinidog Prydain, Theresa May, ac Arlywydd Ffrainc, Emmanuel Macron, mewn seremoni goffa arbennig heddiw (dydd Iau, Mehefin 6).

Bydd y gofeb efydd 18 troedfedd – wedi ei ddylunio gan David Williams-Ellis – yn darlunio tri milwr yn rhedeg ar draws traeth.

Bydd yn coffáu’r dros 22,000 o filwyr Prydeinig a fu farw yn ystod haf 1944.

Gwreiddiau Cymreig

Er i David Williams-Ellis gael ei eni yng Ngogledd Iwerddon ac er ei fod bellach yn byw yn Swydd Rhydychen, mae’n dal yn berchennog ar hen gartref y teulu – Carregfelen ger Porthmadog.

Ei hen ewythr oedd y pensaer Clough Williams-Ellis, sef sefydlydd y pentref Eidalaidd enwog, Portmeirion.

Ymhlith prosiectau Cymreig David Williams-Ellis mae cerflun efydd o’r artist Kyffin Williams, sydd wedi ei osod yn Oriel Môn yn Llangefni yn ddiweddar.

Roedd hefyd yn gyfrifol am ddylunio’r cerflun enwog o Ray Gravell, sy’n sefyll y tu allan i Barc y Scarlets yn Llanelli.

Celf Weledol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones