Darpar Archdderwydd am “feithrin dolennau” ar draws y byd

Diweddarwyd am  

Myrddin ap Dafydd

Llun: Eisteddfod Genedlaethol Cymru

Mae angen i Gymru a’r diwylliant Cymraeg “wneud mwy” gyda chenhedloedd eraill y byd, yn ôl darpar Archdderwydd Cymru.

Fe fydd Myrddin ap Dafydd yn dechrau ar ei dymor yn Archdderwydd Cymru yn ei ardal enedigol yn Eisteddfod Genedlaethol Dyffryn Conwy ym mis Awst.

Dywed y bardd o Lanrwst fod y swydd am fod yn un “lawen iawn”, wrth iddo ddisgwyl dathlu camp a chyfraniad unigolion tuag at “Gymru a’r diwylliant”.

Ond mae hefyd yn teimlo bod yna “gyfrifoldeb” yn cyd-fynd â’r swydd, ac y bydd angen iddo “edrych ar beth sy’n digwydd ac i dynnu sylw at ffordd i ddeilio â rhai o’r bygythiadau sy’n ein hwynebu ni”.

Yn rhan o hynny mae Myrddin ap Dafydd yn gobeithio sicrhau bod yr Orsedd yn ehangu ei hymwneud â diwylliannau eraill, gan ddilyn esiampl mudiadau fel Urdd Gobaith Cymru.

Croesawu diwylliannau eraill

“Dw i’n meddwl ei bod hi’n hanfodol yng Nghymru, ar hyn o bryd, i beidio â chael ein gweld fel gwlad neu ddiwylliant sydd am ynysu ei hun oddi wrth weddill y gwledydd a chenhedloedd y byd,” meddai Myrddin ap Dafydd wrth golwg360.

“Dw i’n meddwl y dylem ni fanteisio ar bob cyfle posib i feithrin dolennau, i gefnogi gwledydd eraill, ac i dderbyn ac i’w croesawu nhwythau at ein diwylliant ninnau.

“Dw i’n meddwl ei bod hi’n amser i ni wneud mwy efo mwy o wledydd nag yr ydan ni wedi bod yn ei wneud yn y gorffennol.”

Myrddin ap Dafydd fydd Archdderwydd Cymru am y cyfnod 2019-22.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer