Cyngor Ceredigion yn ail-godi’r syniad o ysgol ardal i Ddyffryn Aeron

Diweddarwyd am  

Llun: Pete CC 2.0 trwy Flickr

Mae Cyngor Ceredigion yn bwriadu cynnal ymgynghoriad ar sefydlu ysgol ardal newydd yn Nyffryn Aeron.

Os bydd y cynlluniau yn mynd yn ei blaen, fe all tair ysgol wledig gael eu heffeithio, sef Ysgol Ciliau Parc, Ysgol Dihewyd ac Ysgol Felin-fach.

Daw’r cyhoeddiad ychydig dros wythnos ar ôl i’r cyngor gadarnhau y bydd tair ysgol cynradd arall o fewn y sir yn cau yn ystod yr haf, gydag un ohonyn nhw – Ysgol Cilcennin – yn lleol i Ddyffryn Aeron.

Bu’r cyngor yn ystyried ad-drefnu addysg yn Nyffryn Aeron yn 2016, ond cafodd y penderfyniad ei ohirio.

Yr ymgynghoriad

Bydd sawl opsiwn yn cael ei ystyried yn rhan o’r ymgynghoriad diweddaraf, er bod y cyngor yn ffafrio sefydlu ysgol ardal ar gyfer 210 o ddisgyblion rhwng 3 ac 11 oed.

Yn ôl y cyngor, mae lleoedd gwag a chynnydd mewn costau ymhlith y rhesymau tros ad-drefnu.

Mae’r Cynghorydd Catrin Miles, aelod o’r Cabinet tros Wasanaethau Dysgu, hefyd yn dweud bod angen cynnal “safonau addysg uchel” yn y sir.

“Mae’r rhaglen foderneiddio yn bwysig er mwyn gwneud yn siŵr bod disgyblion Ceredigion yn cael y cyfleoedd gorau posib yn yr ysgol.”

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019