Angen arweinydd newydd ar y Blaid Geidwadol “cyn gynted â phosib”

 

Glyn Davies

Llun swyddogol San Steffan

Mae angen i’r Ceidwadwyr hynny sydd ddim yn debygol o ennill y ras am arweinyddiaeth y blaid dynnu eu henwau yn ôl, meddai Aelod Seneddol o Gymru.

Daw anogaeth Glyn Davies, yr aelod tros Sir Drefaldwyn, wedi i 13 Aelod Seneddol Ceidwadol gadarnhau eu bod nhw eisiau olynu Theresa May yn arweinydd y Blaid Geidwadol.

Ymhlith yr ymgeiswyr mae aelodau a chyn-aelodau blaenllaw o’r Cabinet, gan gynnwys Boris Johnson, Michael Gove ac Andrea Leadsom.

Mae disgwyl i’r Prif Weinidog gamu o’r neilltu fel arweinydd ei phlaid ddiwedd yr wythnos hon (dydd Gwener, Mehefin 7), a hynny yn dilyn ymweliad tridiau Donald Trump, Arlywydd yr Unol Daleithiau, â gwledydd Prydain.

“Angen brys am sefydlogrwydd”

O dan reolau’r Blaid Geidwadol, os yw Aelod Seneddol am ymgeisio am yr arweinyddiaeth, mae angen iddo dderbyn o leiaf dau enwebiad gan ei gyd-Aelodau.

Ond yn ôl Glyn Davies, fe ddylai’r ymgeiswyr hynny sydd â llai na 10 cefnogwr dynnu eu henwau yn ôl er mwyn sicrhau bod arweinydd newydd yn cael ei ddewis “cyn gynted â phosib”.

Ychwanega fod y “dryswch” presennol yn y byd gwleidyddol yn niweidiol i’r economi, y gwasanaethau cyhoeddus ac i enw da San Steffan.

“O ystyried yr angen brys am sefydlogrwydd yn ein harweinyddiaeth wleidyddol, mae’n rhaid inni roi buddiannau gwledydd Prydain o flaen prosesau’r Blaid Geidwadol,” meddai Glyn Davies.

“Ac mae angen inni ganolbwyntio ar ddadleuon y rhai mwyaf addawol sy’n ymgeiswyr o ddifrif, ac sydd â thipyn o gefnogaeth y tu cefn iddyn nhw.”

 

 

 

Yr Aelod Seneddol, Glyn Davies, yn galw ar rai Ceidwadwyr i dynnu eu henwau yn ôl o’r ras

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones