Brennig Davies yn trafod ei waith buddugol

Diweddarwyd  
Brennig Davies

Brennig Davies

Llun golwg360

Mae enillydd Coron yr Urdd eleni yn teimlo yn “[d]diolchgar iawn a balch iawn” yn dilyn ei fuddugoliaeth… Brennig Davies o Fro Morgannwg yn ennill coron yr Urdd

“Dw i’n teimlo rhyddhad bod y seremoni wedi gorffen a bod fy nerfau wedi gwella erbyn hyn,” meddai wrth golwg360, a hynny funudau yn unig ar ôl camu oddi ar y prif lwyfan yng Nghanolfan y Mileniwm ym Mae Caerdydd.

 ‘Cymodi’ oedd thema’r Goron eleni, ac yn ei waith mae Brennig Davies yn ceisio llunio darlun trwy’n tywys ni trwy berthynas dynes gyda llwynog sydd wedi’i anafu.

“Roeddwn i am sgwennu am fenyw yn gorfod cymodi ac elfen eithaf trist o’i hanes personol hi, a wnes i wneud hynny trwy [iddi] fabwysiadu llwynog mae’n dod ar draws,” meddai’r llenor buddugol.

“Mae’r symbolaeth o’r llwynog a beth mae’n cynrychioli yn eithaf amwys, a hoffwn i gadw hi fel hynny,” ychwanegodd.

Mae Brennig Davies yn pwysleisio ei fod yn hoffi amwysedd yn ei storiâu, yn hoffi’r elfen o ansicrwydd a’r ffaith bod rhaid i’r darllenydd ddehongli’r hyn sydd dan sylw.

“Mae hi lan i’r darllenydd i weld beth maen nhw’n meddwl am ffigwr y cadno,” meddai.

“Do’ ni ddim moyn egluro pob dim a gwneud pob dim yn amlwg, ro’n i moyn ymdeimlad bod rhywbeth o dan yr arwyneb, bod y darllenydd yn gallu synhwyro neu ddehongli yn eu ffordd nhw eu hunain.”

“Profiad Gwych”

 Mae Brennig Davies yn mynd yn syth yn ôl i Rydychen i “adolygu’n ffyrnig” at ei arholiadau Saesneg rŵan.

“Efallai rhywbryd yn y dyfodol hoffwn gystadlu eto yn yr eisteddfod oherwydd mae’r profiad… wedi bod yn un mor wych.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer