Gwario £13m ar ambiwlansys newydd i Gymru

Diweddarwyd am  
Ambiwlans

Llun: Flickr

Mae’r Ysgrifennydd Iechyd, Vaughan Gething, wedi cyhoeddi bod £13m yn cael ei wario ar brynu ambiwlansys newydd yng Nghymru.

Fe fydd 111 o gerbydau newydd yn cael eu prynu er mwyn cymryd lle’r cerbydau sy’n cael eu defnyddio ar hyn o bryd.

Bydd y rhain yn cynnwys 71 ambiwlans ar gyfer achosion brys, 33 cerbyd cludiant difrys, a saith cerbyd brys arbennig.

Fe fydd y rhain yn cael eu defnyddio ledled Cymru gan Wasanaeth Ambiwlans Cymru.

“Gwerth am arian”

Bydd yr ambiwlansys newydd yn cydymffurfio a safonau diweddaraf yr Undeb Ewropeaidd ar gyfer allyriadau llygredd.

Gan ddefnyddio injans V6 effeithlon fe fydd yr effaith ar yr amgylchedd yn cael ei leihau, meddai Vaughan Gething.

“Bydd y cerbydau newydd yn fwy dibynadwy, yn perfformio’n well ac yn costio llai i’w rhedeg, a fydd yn sicrhau gwerth am arian ar gyfer cyllid cyhoeddus,” meddai’r Gweinidog Iechyd, Vaughan Gething.

“Byddan nhw hefyd yn cynnwys y systemau cyfathrebu a’r offer diweddaraf, i wneud yn siŵr ein bod yn parhau i ddarparu’r gwasanaeth gorau posibl ar gyfer pobl Cymru.

“Un peth dw i’n arbennig o falch yn ei gylch yw’r ffaith y bydd yr holl gerbydau cludiant difrys yn cynnwys paneli solar i droi goleuni’r haul yn drydan.”

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019