Gwrthdystio tros newid enw’r Cynulliad i un dwyieithog

Diweddarwyd am  
Adeilad y Senedd, Bae Caerdydd

Y Senedd

Llun: golwg360

Bydd ymgyrchwyr yn gwrthdystio ym Mae Caerdydd yn ddiweddarach heddiw er mwyn gwrthwynebu newid enw’r Cynulliad.

Dywedodd y Llywydd, Elin Jones, y llynedd y byddai’r sefydliad yn newid ei henw i un uniaith Gymraeg, sef ‘Senedd’.

Ond bellach mae wedi dod i’r amlwg mai enw dwyieithog fydd y corff yn mabwysiadu, hynny yw ‘Welsh Parliament’ a’r ‘Senedd’.

Mae Cymdeithas yr Iaith yn gwrthwynebu’r newid yma; ac mi fydd y mudiad iaith – ynghyd ag eraill – yn protestio ar risiau adeilad y Senedd ar brynhawn dydd Gwener (Mai 31).

“Cymru unedig”

“Mae’n hen bryd i’r Llywydd wrando ar y lleisiau yma,” meddai Cadeirydd Cymdeithas yr Iaith, Osian Rhys.

“Wedi’r cwbl, mae mabwysiadu enw a brand uniaith Gymraeg yn gyfle i atgyfnerthu’r syniad bod y Gymraeg yn gallu cynnwys pawb, o bob cefndir.

“Mae’n gyfle i ddatgan y gallwn ni fod yn Gymru unedig mewn un iaith, waeth beth yw ein cefndir neu’n hiaith gyntaf.”

Y llythyr

I gyd-daro a’r gwrthdystio, mae hanner cant o bobol – gan gynnwys dysgwyr a’r di-Gymraeg – wedi llofnodi llythyr o wrthwynebiad.

Ym mhlith y llofnodwyr mae cyn-Arweinydd Cyngor Caerdydd, y Cynghorydd Llafur Phil Bale; ac ymgeisydd y Blaid Geidwadol ym Mro Morgannwg, Ross England.

Yn ôl y llythyr, byddai “gosod enw uniaith Gymraeg ar ein corff democrataidd cenedlaethol yn ffordd o ddangos bod y Gymraeg wir yn perthyn i bawb.”

Manylion

Bydd digwyddiad ‘Enw uniaith Gymraeg i’n Senedd ni’ yn cael ei gynnal am 2.00 y prynhawn; ac mi fydd yn cyd-daro ag Eisteddfod yr Urdd Caerdydd a’r Fro 2019.

Ymhlith y rheiny a fydd yn siarad yn ystod y digwyddiad mae’r Aelod o Senedd Ieuenctid Cymru, Gwion Rhisiart.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones