Iestyn Tyne yw’r cyntaf i ‘ennill y dwbwl’ yn yr Urdd

Diweddarwyd  

Cadair Eisteddfod yr Urdd 2019

Llun: golwg360

Iestyn Tyne yw enillydd cadair Eisteddfod yr Urdd Caerdydd a’r Fro 2019, a’r cyntaf erioed i ennill coron a chadair yr Urdd.

Ef yw un o sefydlwyr cylchgrawn Stamp, mae’n aelod o fandiau Patrobas a Pendevig, ac fe enillodd y goron yn Eisteddfod yr Urdd y Fflint 2016.

Hyd yma, mae dwy gyfrol o’i farddoniaeth wedi cael eu cyhoeddi, ac ef yw curadur gwefan Casglu’r Cadeiriau – casgliad ar lein o gadeiriau barddol.

Mae Iestyn Tyne yn dod o Ben Llŷn yn wreiddiol, ond bellach yn byw yng Nghaernarfon, lle mae’n rhannu ei amser rhwng cyfieithu a gweithio’n llawrydd fel bardd, awdur, golygydd a cherddor.

Y dilyniant buddugol

Elinor Wyn Reynolds ac Osian Rhys Jones yw beirniaid cystadleuaeth y Gadair eleni, ac roedd yna bymtheg ymgeisydd i gyd.

Roedd y dilyniant buddugol yn mynd i’r afael ag ymdriniaeth dyn o’r amgylchedd, cywilydd personol, cywilydd am ryfela, ynghyd â difaterwch a chywilydd am drais domestig.

“Mae’r gyfres hon o gerddi’n feistrolgar, yn athronyddol, yn ddiwinyddol, mae’n chwarae gyda’r ymennydd dro ar ôl tro, yn ei ffrwydro hyd yn oed,” meddai Elinor Wyn Reynolds.

“Mae’r cerddi’n llachar, yn pefrio, teimlodd fel petai wedi dod o nunlle, mae’n gyfres mor wahanol i’r lleill – dyma sy’n ei chodi uwchlaw’r lleill yn y gystadleuaeth.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer