Eidales o’r Wyddgrug yn ennill Medal y Dysgwyr

 
Eisteddfod yr Urdd

Eisteddfod yr Urdd

Eisteddfod yr Urdd

Eidales o’r Wyddgrug sydd wedi ennill Medal y Dysgwyr Eisteddford yr Urdd 2019.

Francesca Elena Sciarrillo yw’r unig berson o’i theulu sy’n siarad Cymraeg ac Eidaleg yw ei theulu i gyd.

Mae hi’n brentis graddedig mewn Marchnata ym Mhrifysgol Bangor ar hyn o bryd, ac mae’n “falch iawn o fod yn Eidalwraig a Chymraeg – dwy o wledydd prydferth”.

“Mae dysgu Cymraeg wedi newid fy mywyd mewn sawl ffordd” meddai Francesca Elena Sciarrillo, wnaeth ddechrau dysgu’r iaith yn 16 oed.

“Mae wedi agor drysau i mi i lyfrau newydd, cerddoriaeth newydd, gwleidyddiaeth newydd ac yn bwysicach, pobol newydd, pobol sy’n golygu’r byd i mi!”

Un uchelgais sydd ganddi yw ysgrifennu llyfr ynglŷn â thaith ei theulu o’r Eidal trwy gyfrwng y Gymraeg.

“Mae ei hymrwymiad i ddysgu a hyrwyddo’r iaith mewn ardal ble mae’r Gymraeg yn wan yn ddiffuant,” meddai’r beirniad, Martin Williams.

“Dewrder”

Bu’r cystadleuwyr yn treulio’r diwrnod yn gwneud heriau oedd yn rhoi iaith, hyder a gwybodaeth y tri chystadleuydd terfynol ar brawf.

Yn rhan on hyn oedd gwneud cyfweliad byw gyda BBC Radio Cymru a siarad cyhoeddus mewn cynhadledd i’r wasg brysur o flaen newyddiadurwyr a chamerâu teledu.

Dywed y beirniad Martin Williams ei fod yn “edmygu dewrder” yr holl ddysgwyr eleni. Molly Evans, sydd yn ei i blwyddyn olaf ym Mhrifysgol Caer, yn astudio gradd mewn Ieithoedd Modern; a Jack Wilson yn wreiddiol o Warrington, sy’n astudio Cemeg ym Mhrifysgol Bangor, oedd y ddau gystadleuydd arall.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019