“Gwerin, electronica a bandiau weird yn un” – Huw Stephens

Diweddarwyd  

Huw Stephens gyda Mistar Urdd

Llun: golwg360

Mae’r DJ sy’n Llywydd y Dydd yn Eisteddfod yr Urdd Caerdydd a’r Fro heddiw (dydd Mawrth, Mai 28) yn dweud fod y mudiad ieuenctid wedi bod yn rhan fawr o’i blentyndod yn y brifddinas.

I Huw Stephens, roedd yn ffordd o ddod â phawb at ei gilydd, ac yn rhoi cyfleodd i bawb wneud pethau arbennig.

“Roedd mynd i Storey Arms, Ynys Enlli, ac wrth gwrs Glan-Llyn a Llangrannog yn un o’r pethau gorau am fod yn yr ysgol yng Nghymru,” meddai wrth golwg360.

Yn dilyn ei ddyddiau coch, gwyn a gwyrdd, fe fentrodd i Lundain i ymuno a BBC Radio 1 yn 17 oed ac ers hynny mae wedi darlledu o wyliau cerddorol enfawr fel Glastonbury, gŵyl South by South West yn Tecsas, ac mae’n cyfrannu i raglenni BBC Radio 6, BBC Radio 2, a Radio 4.

Electronica, bandiau weird, a gwerin

“Mae’r Urdd yn gwneud gwaith pwysig wrth hyrwyddo’r Gymraeg wrth gwrs, ac mae hyrwyddo cerddoriaeth Gymraeg yn rhan o hynny,” meddai Huw Stephens.

“Mae’n dda gweld llwyfan y maes yn fwy eleni, mae ‘na lwyfan ychwanegol – llwyfan y Lanfa, ac wrth gwrs mae’r Eisteddfod am ddim felly bydd mwy o bobol yn clywed bandiau sy’n canu yn y Gymraeg.

“Ond dim jest bandiau yw e – mae’r sin electronica, y sin band weird, a’r sin werin i gyd yn gryf ac yn rhan o’n diwylliant ni.”

DJio

Yn ôl Huw Sephens byddai gweld cystadleuaeth DJio yn Eisteddfod yr Urdd yn rhywbeth da.

“Byse gweld DJio yn cŵl,” meddai. “Pam ddim? Mae dawnsio disgo yn boblogaidd, mae DJ’io yn grefft, felly falle ei fod yn syniad da.

“Ond ar y cyfan, mae’r Urdd yn barod yn dangos Cymru a’r Gymraeg I blant “mewn ffordd arbennig… Byddai Cymru yn lle llawer tlotach heb yr Urdd.”

 

Cerddoriaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer