Galw am “gymorth ychwanegol” i Fwrdd Iechyd y Gogledd

 
Mynedfa Ysbyty Glan Clwyd

Ysbyty Glan Clwyd

Llun oddi ar wefan Bwrdd Iechyd Prifysgol Betsi Cadwaladr

Mae angen “cymorth ychwanegol” ar Fwrdd Iechyd Betsi Cadwaladr, yn ôl corff iechyd annibynnol yn y gogledd.

Daw ar ôl i adroddiad gan Bwyllgor Cyfrifon Cyhoeddus y Cynulliad nodi bod yna “bryderon difrifol” ynghylch perfformiad y bwrdd, sydd wedi bod o dan fesurau arbennig ers 2015.

Yn ôl yr adroddiad, mae’r bwrdd wedi methu â chwrdd â thargedau amser,  weld digon o gynnydd o ran gwella gwasanaethau iechyd meddwl, ac wedi gorwario hyd at £41.3m.

Mae hefyd yn nodi nad yw ymyrraeth Llywodraeth Cymru wedi cael llawer o effaith ar y gwasanaeth yn ymarferol, a bod angen trawsnewid gwasanaethau’r gogledd ar frys.

“Ailadeiladu hyder”

Roedd Corff Iechyd Cymuned Gogledd Cymru (CICGC) wedi ysgrifennu at y Gweinidog Iechyd, Vaughan Gething, fis Mawrth y llynedd yn mynegi eu pryderon ynghylch cyflwr y bwrdd iechyd.

Mae’r llythyr hwnnw yn dweud:

‘Mae cred ymysg aelodau CICGC fod Mesurau Arbennig erbyn hyn yn ‘norm’ i Fwrdd Iechyd  Betsi Cadwaladr ac mae’n ymddangos fod effaith hyn wedi diflannu.

‘Nid ni yw’r unig bobl sy’n credu hyn.  Cadarnhaodd cysylltiad sylweddol ein haelodau gyda’r cyhoedd yn ystod ein sesiynau ymgysylltu cyhoeddus eang nad oes gan y cyhoedd hyder y bydd y bwrdd iechyd presennol yn gallu darparu’r gofal iechyd mae’r cyhoedd yn y gogledd yn ei ddisgwyl.

‘Mae Cadeirydd newydd y bwrdd iechyd ac aelodau’r bwrdd yn wynebu’r her o ailadeiladu hyder y cyhoedd sy’n rhan allweddol i ddod allan o’r Mesurau Arbennig.

‘Bydd Cyngor Iechyd Cymuned Gogledd Cymru yn parhau i weithio gyda hwy i gyflawni hyn drwy adlewyrchu barn a phrofiadau cleifion.’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer