“Dim penderfyniad eto” ynghylch chwilio am olew a nwy ym Mae Ceredigion

Diweddarwyd am  

Llun: CC0

Mae Llywodraeth Prydain yn dal i ystyried cais gan gwmni o’r Eidal i chwilio am olew a nwy mewn rhannau o Fae Ceredigion sydd wedi cael eu nodi’n ardal gadwriaethol.

Daw hyn er gwaethaf adroddiadau bod ENI UK yn bwriadu cychwyn ar y gwaith o arolygu darn eang o Fôr Iwerddon mor gynnar â dechrau mis Mehefin.

Mae ymgyrchwyr amgylcheddol ac Aelod Seneddol wedi mynegi pryder ynghylch y bwriad honedig, ac yn cwestiynu pa effaith fydd arolwg o’r fath yn ei gael ar yr amgylchedd.

Mae Llywodraeth Prydain wedi cadarnhau wrth golwg360 y gallai cynlluniau ENI UK “effeithio ar Ardaloedd Cadwraeth Arbennig”, ond maen nhw’n ychwanegu na fydd penderfyniad yn cael ei wneud tan ar ôl iddyn drafod â gwahanol gyrff amgylcheddol, gan gynnwys Cyfoeth Naturiol Cymru.

“Mae dal angen i’r ymgynghori a’r prosesau Asesiad Rheoliadau Cynefinoedd gael eu cwblhau, ac nid oes yr un penderfyniad wedi ei wneud pa un ai i wrthod ynteu dderbyn y cais,” meddai llefarydd.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer