Pobol leol yn recordio cân i groesawu’r brifwyl i dref Llanrwst

Diweddarwyd  

Llun clawr y gân gan Cam Gwag

Llun trwy law Recordiau Sain

Mae criw o gerddorion a chantorion o ardal Llanrwst wedi dod at ei gilydd dan yr enw ‘Cam Gwag’ i recordio cân newydd i groesawu pawb i Lanrwst ar gyfer Eisteddfod Genedlaethol Sir Conwy 2019.

Mae’r gân wedi ei chyfansoddi gan Steve (Mwg) Roberts a Myrddin ap Dafydd, a’r prif leisydd yw Esyllt Tudur.

Ymysg y cerddorion eraill mae Meredydd Morris (gitar flaen a mandolin), Gwyn (Maffia) Jones (drymiau), Ben Marshall (bas), Ger Fôn (ffidil), Elin Angharad (telyn) a’r clocswraig Hannah Rowlands.  Mae’r côr lleol, CoRwst a’r bardd Ifor ap Glyn hefyd yn ychwanegu eu lleisiau i’r trac.

Cyflwynodd nifer o blant ysgolion cynradd yr ardal syniadau ar gyfer y clawr, a’r dyluniad sydd wedi dod i’r brig yw’r un gan Cara Fôn, Blwyddyn 4 o Ysgol Bro Gwydir .

Bydd y gân ar gael i’w lawrlwytho a’i ffrydio yn ddigidol o Fehefin 7 ymlaen, ac mi fydd Cam Gwag a nifer o artistiaid eraill yn cynnal noson lansio yng Ngwesty’r Eryrod yn Llanrwst ar y noson honno. Bydd holl elw’r noson yn mynd tuag at Eisteddfod Genedlaethol Sir Conwy 2019.

Mae modd gwrando ar y gân yn fan hyn:

 

Cerddoriaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019