Carchardai Cymru: “cydweithio gwael” rhwng Caerdydd a San Steffan

Diweddarwyd am  
Carchar

Carchar

Llun: Llywodraeth y Deyrnas Unedig

Mae diffyg cydweithio rhwng llywodraethau Cymru a Phrydain yn arwain at broblemau fel gorlenwi, trais ymysg gangiau a gofal iechyd gwael mewn carchardai yng Nghymru, yn ôl adroddiad newydd.

Mae pwyllgor o Aelodau Seneddol wedi dod i’r casgliad bod y ffordd y mae carchardai yng Nghymru yn cael eu rheoli rhwng Bae Caerdydd a San Steffan yn “gymhleth”, a bod angen mwy o gydweithio rhwng y ddwy lywodraeth cyn y gall problemau gael eu datrys.

Mae’r Pwyllgor Materion Cymreig yn pwyso ar Lywodraeth Prydain i gyflwyno cyfres o newidiadau er mwyn mynd i’r afael â phroblemau, yn ogystal â chynnal adolygiad annibynnol o effeithiolrwydd Carchar Berwyn yn Wrecsam cyn ymrwymo i greu carchar mawr newydd.

Maen nhw hefyd yn cynnig bod y Llywodraeth yn casglu data gan siaradwyr Cymraeg er mwyn gwella gwasanaethau ar gyfer Cymry Cymraeg sydd mewn carchardai yng Nghymru a Lloegr.

Argymhellion

Ymhlith argymhellion y pwyllgor mae:

  • Cydweithio â Llywodraeth Cymru i wella darpariaeth gofal iechyd i droseddwyr;
  • Mynd i’r afael â digartrefedd ymhlith troseddwyr wedi iddyn nhw gael eu rhyddhau;
  • Gosod sganwyr diogelwch er mwyn atal cyffuriau a ffonau symudol rhag cael eu cludo i garchardai;
  • Ystyried cyflwyno unedau llai fel bod pobol ifanc yn agosach at adref;
  • Sefydlu canolfannau preswyl i ferched yn y gogledd a’r de er mwyn i droseddwyr aros yng Nghymru;
  • Gwella gwasanaethau ar gyfer pobol sy’n siarad Cymraeg mewn carchardai yng Nghymru a Lloegr;

Angen gweithredu “ar fyrder”

“Mae angen edrych ar y materion sydd wedi codi yn ystod ymchwiliad fy Mhwyllgor ar fyrder cyn i’r Llywodraeth fwrw ymlaen ag unrhyw ddatblygiad newydd wrth ystyried sefydlu carchar yng Nghymru,” meddai cadeirydd y pwyllgor, David TC Davies.

“Yn gyntaf, mae angen eglurder a sicrhau bod unrhyw gamau i wella’r diffyg cydlynu rhwng cyfrifoldebau Llywodraethau Prydain a Chymru yn cael eu gweithredu’n effeithiol, ac yn ail mae angen ystyried anghenion troseddwyr Cymreig a’r ardal gyfagos cyn datblygu unrhyw gynllun ar gyfer carchar newydd yng Nghymru.”

 Ymateb Llywodraeth Prydain

“Rydym yn cyfarfod yn gyson â Llywodraeth Cymru ac wedi cydweithio ar strategaethau sydd â’r nod o wella hyfforddiant mewn carchardai, gwasanaethau gofal ac iechyd ac adferiad troseddwyr,” meddai llefarydd ar ran y Weinyddiaeth Cyfiawnder.

“Fe fyddwn ni’n ystyried yr adroddiad yn ofalus ac yn ymateb maes o law.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl