Angen “adeiladu consensws” ar Brexit, meddai Jeremy Miles

 
Pemn ac ysgwydd o Jeremy Miles

Jeremy Miles

Llun: Cynulliad Cenedlaethol Cymru CC 2.0

Mae Gweinidog Brexit Cymru wedi condemnio penderfyniad Prif Weinidog y Deyrnas Unedig i ofyn i aelodau seneddol bleidleisio eto ar ei bargen Brexit.

Mae gwneud hynny’n tanseilio’r trafodaethau rhwng y Ceidwadwyr a Llafur i geisio cael cytuneb, meddai Jeremy Miles, sydd hefyd yn Gwnsler Cyffredinol i’r Llywodraeth Lafur yng Nghymru ac yn cyfarfod â Gweinidog Brexit San Steffan heddiw.

Mae hefyd wedi galw am gynnwys y llywodraethau datganoledig mewn trafodaethau ynglŷn â’r dyfodol.

“Consensws go iawn”

“Mae gosod terfyn amser ar gyfer pleidlais newydd heb gonsensws rhwng y pleidiau yn mynd yn groes i holl bwrpas [y trafodaethau],” meddai Jeremy Miles.

“Dylai Prif Weinidog y Deyrnas Unedig ganolbwyntio ar adeiladu cefnogaeth drawsbleidiol go iawn,”

 “Hyd yma mae’r Prif Weinidog wedi llesteirio’r trafodaethau a chreu sefyllfa lle mae’r Senedd yn methu’n lân â chytuno.”

Rhaid i ni ddod i gyfaddawd er mwyn symud ymlaen a dod o hyd i ffordd o ymadael â’r Undeb Ewropeaidd sy’n medru pasio drwy’r Senedd.”

“Llais i Lywodraeth Cymru”

Yn y cyfarfod heddiw fe fydd Jeremy Miles yn ceisio sicrhau eto bod y llywodraethau datganoledig, gan gynnwys Llywodraeth Cymru, yn rhan o’r trafodaethau.

“Rhaid i ni weld newid radical yn agwedd Llywodraeth y Deyrnas Unedig yn ystod cam nesaf y trafodaethau,” meddai’r Cwnsler Cyffredinol.

“Rhaid gwneud penderfyniadau ar y cyd – mae’n hen bryd i Whitehall dderbyn bod datganoli yn golygu partneriaeth wrth lywodraethu’r Deyrnas Unedig.”

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer