Galw am fwy o gyfle i dalent o Gymru

Diweddarwyd am  
Adeilad y Docor Who Experience

Adeilad y ‘Doctor Who Experience’ – arwydd o gynnydd y diwydiant ffilm a theledu

Llun: golwg360

Mae angen i’r Llywodraeth greu strategaeth i wneud yn siŵr fod y diwydiant ffilm a theledu yn parhau i dyfu er lles Cymru, meddai aelodau cynulliad.

Ac maen nhw’n dweud bod angen gosod amodau pan fydd cynyrchiadau mawr rhyngwladol mawr yn cael eu gwneud yma, er mwyn rhoi mwy o chwarae teg i weithwyr a chwmnïau o Gymru.

Fe fyddai hynny’n cynnwys:

  • Cynnal o leia’ un clyweliad ar gyfer talent lleol
  • Llunio cytundebau cyd-gynhyrchu gyda chwmnïau lleol
  • Gosod cwota ar gyfer defnyddio talent o Gymru.

“Angen strategaeth”

Fe ddaw’r argymhelliad mewn adroddiad gan y Pwyllgor Diwylliant, y Gymraeg a Chyfathrebu  yn y Cynulliad a glywodd fod y diwydiant sgrin yn tyfu’n gynt yng Nghymru nag ar draws weddill gwledydd Prydain.

Maen nhw’n dweud bod angen i Lywodraeth Cymru godi greu strategaeth a gwneud mwy i hyrwyddo Cymru er mwyn sicrhau bod y llwyddiant yn parhau.

Fe glywodd y Pwyllgor mai un o’r problemau mwya’ yw diffyg sgiliau yng Nghymru ac maen nhw wedi galw ar i’r Llywodraeth fod yn fwy agored gyda threfniadau cyllido.

“Datblygu talent o Gymru” – Bethan Sayeed

“R’yn ni am i Lywodraeth Cymru lunio strategaeth yn dangos sut y bydd yn cefnogi ac yn cynnal ein llwyddiant presennol,” meddai Cadeirydd y Pwyllgor, Bethan Sayeed.

“Yn bwysicaf oll, r’yn ni am iddi ddefnyddio pob cyfle i helpu i ddatblygu talent a chynyrchiadau o Gymru sydd â’r potensial i gael eu gwerthu’n rhyngwladol.

“Dyma’r amser mwyaf cyffrous erioed i fod yn rhan o’r diwydiant sgrin yng Nghymru. Rydym ni wedi gweld twf anhygoel yn y sector hwn yng Nghymru, y twf mwyaf trawiadol o bell ffordd yn y Deyrnas Unedig.

“Ond allwn ni ddim tynnu ein troed oddi ar y sbardun nawr. Mae’n rhaid i ni barhau i fuddsoddi mewn cynhyrchwyr ffilm a theledu a’u cefnogi.”

“Allweddol gweithredu’n awr” – TAC

“Mae’n allweddol ein bod ni’n delio â hyn ac yn ei gael e’n iawn nawr, er mwyn osgoi sefyllfa lle y gall llai o gynyrchiadau ddewis dod i Gymru yn y dyfodol. Rydym ni’n moyn i’r diwydiant dyfu,” meddai Cadeirydd Teledwyr Annibynnol Cymru, Gareth Williams.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019