Tri thraeth yn colli statws y Faner Las

Diweddarwyd am  
castell tywod

Castell tywod ar draeth

Llun CCO 2

Mae’r nifer o draethau yng Nghymru sydd â gwobr uchaf y Faner Las wedi gostwng o 40 i 43.

Mae’r wobr yn cael ei rhoi i draethau ble mae’r dŵr o ansawdd glan.

Fe enillodd draethau Aberdaron a Thywyn yng Ngwynedd a Bae Whitmore ger y Barri wobr y Faner Las y llynedd ond eleni, roedden nhw yn aflwyddianus wrth geisio cyrraedd y prif gategori a gyhoeddwyd heddiw gan Wobrau Arfordir Cymru.

Ymhlith y traethau a fu’n llwyddiannus eleni mae traeth Tresaith yng Ngheredigion, Abersoch ym Mhen Llyn, Llanddwyn ar Ynys Môn a thraeth Dwnrhefn ym Mro Morgannwg.

Mae ansawdd y dŵr ynghyd a glaw trwm yn ffactorau sydd yn effeithio ansawdd traethau fel arfer.

“Calonogol”

Ers deng blynedd bellach, mae’r Faner Las wedi cael ei defnyddio i sicrhau bod awdurdodau lleol yn cyrraedd yr ansawdd dŵr uchaf ac yn dangos ymwybyddiaeth amgylcheddol, ynghyd a mesurau o ddiogelwch a gwasanaethau.

 

Er y siom, mae 44 o Faneri Glas yn chwifio ar 40 o draethau, tri marina gyda un cwmni teithiau cychod hefyd yn cael yr hawl i’w chwifio eleni.

 

Mae’n golygu fod gan Gymru, unwaith eto, y nifer uchaf o’r baneri fesul milltir nag unrhyw le arall yng ngwledydd Prydain.

 

“Rydym yn lwcus yng Nghymru i gael rhai o’r traethau gorau yma ar drothwy’r drws,” meddai gweinidog yr amgylchedd, ynni a materion gwledig, Lesley Griffiths.

 

“Mae’n galonogol gweld cymaint o’n traethau’n derbyn y gwobrau hyn fel cydnabyddiaeth o’r gwaith caled sy’n cael ei wneud ar hyd a lled Cymru i gadw ein traethau a’n dyfroedd yn lân.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019