Gorchymyn gwasgaru yn dal mewn grym ym Mhontypridd

Diweddarwyd am  
Grwp o swyddogion hedldu mewn siacedi melynwyrdd

Swyddogion heddlu

Llun parth cyhoeddus trwy Gomin Wicimedia

Mae Heddlu’r De yn parhau i weithredu gorchymyn gwasgaru yn dilyn ymddygiad gwrthgymdeithasol ym Mhontypridd dros y penwythnos.

Dywed yr heddlu bod y gorchymyn mewn lle ar ôl i nifer fawr o bobol ifanc ymgasglu dros benwythnos gŵyl y banc ac er mwyn “diogelu’r cyhoedd”.

Mae’r gorchymyn hefyd yn ymestyn i Aberdâr ac Aberpennar ac fe fydd yn parhau mewn grym am weddill gŵyl y banc.

Nos Sadwrn, dywedodd yr heddlu eu bod nhw wedi derbyn adroddiadau bod grŵp mawr o bobol ifanc wedi trefnu dod at ei gilydd a hynny ar ôl i nifer fawr gael eu gweld yn nhref Pontypridd nos Wener.

Mae’r gorchymyn yn rhoi’r hawl i swyddogion yr heddlu atal person o ardal benodol am gyfnod o 48 awr.

Mae’r heddlu’n apelio ar unrhyw un sydd â gwybodaeth ynglŷn â’r digwyddiad ym Mhontypridd nos Wener neu sy’n ymwybodol bod unrhyw ddigwyddiadau eraill wedi’u trefnu ar ŵyl y banc i gysylltu â nhw ar 101 neu Taclo’r Taclau ar 0800 555111.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones