Cwrs Meddygaeth yn cael ei gyflwyno ym Mhrifysgol Bangor ym mis Medi

Diweddarwyd am  

Llun: CCO

Bydd myfyrwyr Meddygaeth yn gallu derbyn eu holl hyfforddiant meddygol yn y gogledd o fis Medi ymlaen, o ganlyniad i bartneriaeth rhwng Prifysgol Caerdydd a Phrifysgol Bangor.

Fe gyhoeddodd Llywodraeth Cymru y llynedd y bwriad i ehangu addysg feddygol i weddill Cymru, gyda myfyrwyr yn gallu ymgymryd ag addysg feddygol yn llawn yn y gogledd.

Mae myfyrwyr meddygaeth ym Mhrifysgol Caerdydd eisoes wedi gallu elwa ar leoliadau gwaith yn y gogledd, ond dyma fydd y tro cyntaf iddyn nhw fedru cwblhau eu holl raglen hyfforddiant yno.

Bydd y rhaglen Meddygaeth MBBCh (C21), sy’n cael ei chynnal ym Mhrifysgol Caerdydd, yn cael ei chynnig drwy Ysgol y Gwyddorau Meddygol ym Mhrifysgol Bangor, gan gychwyn ym mis Medi.

Yn ôl yr Athro Dean Williams, Pennaeth yr Ysgol Meddygaeth ym Mhrifysgol Bangor, bydd myfyrwyr yn gallu elwa o’r “cyfuniad o addysgu gwyddonol safonol ym Mhrifysgol Bangor a lleoliadau clinigol sefydledig ar draws gogledd Cymru.”

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019