Gofyn i ddioddefwyr trais roi eu ffonau symudol i’r heddlu

 

Llun: CCO

Mae dioddefwyr sy’n mynd at yr heddlu i adrodd eu bod wedi cael eu treisio neu gam-drin wedi cael gwybod bod yn rhaid iddyn nhw roi eu ffonau symudol i’r heddlu neu wynebu’r risg bod yr erlyniad yn erbyn eu hymosodwr honedig yn dymchwel.

Mae ffurflenni caniatâd i gael mynediad at negeseuon, lluniau, e-byst a chyfrifon cyfryngau cymdeithasol, wedi cael eu hanfon at 43 o luoedd yr heddlu yng Nghymru a Lloegr.

Daw’r camau diweddaraf fel ymateb i’r helynt pan fethodd cyfres o achosion o drais a cham-drin rhywiol difrifol ar ôl i dystiolaeth dyngedfennol ddod i’r fei ar y funud olaf.

Dywed yr heddlu ac erlynwyr bod y ffurflenni yn ymgais i lenwi’r bwlch yn y gyfraith – ar hyn o bryd, nid oes gorfodaeth ar dystion ac achwynwyr i ddatgelu eu ffon, gliniadur, neu dabled.

Yn ôl y Cyfarwyddwr Erlyniadau Cyhoeddus, Max Hill, fe fydd y dyfeisiadau digidol ond yn cael eu hystyried os yw’n ffurfio “rhan resymol o’r ymchwiliad” a dim ond deunydd “perthnasol” fydd yn mynd gerbron y llys os yw’n cwrdd â rheolau penodol.

Ond mae grŵp ymgyrchu o blaid preifatrwydd, Big Brother Watch, wedi beirniadu’r mesurau gan ddweud y gallai atal pobl rhag mynd at yr heddlu i adrodd am droseddau o’r fath.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer