Dwy flynedd o waith adnewyddu ar Lyfrgell Genedlaethol Cymru

 

Y Llyfrgell Genedlaethol yn troi’n felyn i ddathlu buddugoliaeth Geraint Thomas yn y Tour de France

Llun: Llyfrgell Genedlaethol

Fe fydd dwy flynedd o waith adnewyddu yn dechrau yn Llyfrgell Genedlaethol Cymru yn Aberystwyth fis nesaf.

Ond er y gwaith adeiladu a thrwsio, ni fydd y llyfrgell yn cau ei drysau i’r cyhoedd.

Bydd y gwaith cynnal a chadw yn digwydd y tu fewn a thu allan i’r adeilad er mwyn “sicrhau fod yr eicon hanesyddol” yn parhau i fod “yn adnodd hanfodol ar gyfer cenedlaethau i ddod,” meddai’r llyfrgell ar eu gwefan.

Mae’n golygu bydd gwasanaethau’r llyfrgell yn cael eu darparu mewn ffyrdd gwahanol wrth i’r gwaith fynd yn ei flaen – ond ni fydd o’n cau.

Daw’r datblygiad yn dilyn buddsoddiad gan Lywodraeth Cymru.

“Cartref diogel”

Yn ôl Pedr ap Llwyd, Prif Weithredwr a Llyfrgellydd Llyfrgell Genedlaethol Cymru bydd y gwaith “yn sicrhau fod yr adeilad pwysig hwn yn parhau i gynnig cartref diogel i’n trysorau cenedlaethol yn y dyfodol.”

“Mi benderfynon ni beidio cau’r Llyfrgell tra bydd y gwaith yn mynd yn ei flaen er mwyn sicrhau fod gan y cyhoedd fynediad parhaus at y casgliadau unigryw a phwysig sydd yma yn y Llyfrgell Genedlaethol.

“Er y bydd y gwaith yn tarfu ychydig ar brofiad yr ymwelydd, bydd staff y Llyfrgell ar gael bob amser i gynghori a hwyluso ymwelwyr a defnyddwyr.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer