Sain Ffagan yn y ras am £100,000 o wobr

 
Sain Ffagan

Sain Ffagan

Llun gan Sain Ffagan

Mae Sain Ffagan Amgueddfa Werin Cymru, ger Caerdydd, yn un o bump amgueddfa sydd ar restr gwobr fawreddog Brydeinig.

Pob blwyddyn mae’r Gronfa Gelf yn dewis ‘Amgueddfa’r Flwyddyn’ i ddathlu llwyddiant rhagorol ym maes amgueddfeydd ac orielau.

Fe fydd Sain Ffagan yn cystadlu gydag amgueddfeydd HMS Caroline ym Melffast, Nottingham Contemporary, Pitt Rivers yn Rhydychen a V&A Dundee am wobr 2019.

Mewn seremoni yn y Science Museum yn Llundain ar Orffennaf 3 fe fydd yr enillydd yn derbyn gwobr gwerth £100,000 gan banel o feirniaid.

“Blwyddyn bwysig”

“Rydyn ni wrth ein bodd bod Sain Ffagan Amgueddfa Werin Cymru ar restr fer gwobr Amgueddfa’r Flwyddyn 2019 y Gronfa Gelf,” meddai David Anderson, Cyfarwyddwr Cyffredinol Amgueddfa Cymru.

“Roedd 2018 yn flwyddyn bwysig yn hanes yr Amgueddfa a braint fawr oedd creu’r Sain Ffagan newydd gyda chymorth ymarferol a haelioni cynifer o Gymru a thu hwnt,” ychwanegodd.

Fe gafodd £30 miliwn ei wario ar ailddatblygu Sain Ffagan yn ddiweddar.

Yn ystod y cyfnod hwn fe lwyddodd yr amgueddfa i aros ar agor gan groesawu tair miliwn o ymwelwyr a bu yn ymgysylltu gyda 720,000 o bobol drwy raglen gyhoeddus i greu hanes ‘gyda’ phobol Cymru.

“Democratiaeth ddiwylliannol”

“Ein nod yw bod Sain Ffagan yn dod yn ganolfan o ddemocratiaeth ddiwylliannol, gyda meddwl beirniadol ac arfer sgiliau yn elfen greiddiol,” meddai David Anderson.

“Mae’r orielau newydd hefyd bellach yn rhoi adlewyrchiad llawer mwy cynhwysfawr o hanes dyn yng Nghymru, o’r helwyr Neanderthal cyntaf i’n cymuned amlddiwylliannol gyfoes.”

“Diolch i gyfraniadau chwaraewyr y Loteri Genedlaethol, llwyddwyd i sicrhau help 3,000 a mwy o wirfoddolwyr a 200 sefydliad cymunedol, elusennau stryd a grwpiau lleol o bob cwr o Gymru i gwblhau’r gwaith.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl