Pryderon am “ddiffyg democratiaeth” y cyrff sydd am ail-wylltio Cymru

Diweddarwyd am  

Myfanwy Alexander

Llun: golwg360

Mae Cynghorydd o Bowys yn pryderu bod ewyllys pobol Cymru yn cael ei anwybyddu gan gyrff dad-ddofi.

Nod y cyrff yma yw addasu cefn gwlad trwy blannu coed a chyflwyno creaduriaid gwyllt, a dan brosiect y ‘Cambrian Wildwood’ mi allai 7,500 erw gael ei thrawsnewid yng Nghymru.

 hithau’n cynrychioli ardal amaethyddol a gwledig, mae Myfanwy Alexander yn pryderu bod y prosiectau’n cael eu cyflwyno heb fewnbwn pobol leol.

“Mae elusennau mawr o bell efo digon o bres a grym i brynu’r tir,” meddai wrth golwg360. “Ac os newidian nhw’r ffordd maen nhw’n trin y tir, bydd hynny’n effeithio ar y tirfeddianwyr o’u cwmpas.

“… Dw i ddim yn ei erbyn. Dw i’n berson eithaf gwyrdd. Ond mae’r pellter rhwng y bobol sy’n creu’r cynlluniau yma, a’r sustem ddemocrataidd, yn peri gofid i mi.

“… Os dyma yw dyfodol Cymru, gawn ni gael sgwrs am hynna plîs?”

Cyn iddyn nhw fwrw ati â’i gwaith, hoffai’r Cynghorydd weld y cyrff yn ennill cefnogaeth y cyhoedd trwy ddulliau democrataidd.

“Mi allan nhw ddod yn rhan o agenda pleidiau eraill,” meddai. “Does dim rhaid iddyn nhw greu plaid eu hunain. Er enghraifft mi allai rewilding fod yn rhan o agenda’r Blaid Werdd.

“Ar hyn o bryd, dw i ddim yn licio’r syniad bod pobol o bell yn trafod ein hardal a ddim yn trafod efo ni.”

English Colonialism

Mewn neges ar Twitter mae Cynghorydd ward Banwy wedi galw ymdrechion ail-wylltio yn “English Colonialism”, ac mae’n amddiffyn y disgrifiad yma.

“Os ydi pobol Loegr yn prynu tir yng Nghymru, ac wedyn eisiau newid natur yr ardal yn gyfan gwbl, pa ffordd arall allwch chi ddisgrifio hyn?” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl