Cynnal ‘cyngerdd stryd’ yn Aberystwyth i dynnu sylw at doriadau gwersi cerdd

Diweddarwyd am  
Piano

Piano

Llun: Maxpixel.net

Fe fydd disgyblion a chyn-ddisgyblion Gwasanaeth Cerdd Ceredigion yn cynnal ‘cyngerdd stryd’ yn Aberystwyth yr wythnos hon er mwyn codi ymwybyddiaeth o’r bygythiad i wersi cerddoriaeth y sir.

Daw’r digwyddiad yn sgil adroddiadau bod cyfarfodydd wedi eu trefnu ar gyfer dechrau mis Mai er mwyn cychwyn ymgynghoriad ar gyflwyno toriadau i’r Gwasanaeth Cerdd.

Mae Cyfeillion Cerddorion Ifanc Ceredigion hefyd wedi cyflwyno deiseb sy’n cynnwys dros 3,000 o lofnodion i Gyngor Ceredigion yn galw arnyn nhw i ailystyried y toriadau.

Mae disgwyl i’r ddeiseb gael ei thrafod gan Gabinet Cyngor Ceredigion mewn cyfarfod ar ddiwedd mis Ebrill.

“Dangos cefnogaeth”

Bydd y ‘gyngerdd stryd’, a fydd yn cynnwys cerddorion o bob oed, yn cael ei chynnal am rai oriau ar Sgwâr Owain Glyndŵr, Aberystwyth, yfory (dydd Gwener, Ebrill 26).

“Mae gymaint o’r cannoedd o ddisgyblion sy’n derbyn gwersi cerddoriaeth yn y sir yn benderfynol o ddangos cefnogaeth i’w hathrawon,” meddai Angharad Fychan, Ysgrifennydd Cyfeillion Cerddorion Ifanc Ceredigion.

“Aeth disgyblion ati i drefnu cyngerdd yn swyddfeydd y Cyngor yn gynharach yn y mis, ond nawr maen nhw’n canolbwyntio ar ennill cefnogaeth y cyhoeddi cyn i benderfyniadau allweddol gael eu gwneud yn yr wythnosau nesaf.

“Bydd y cyngerdd stryd rhad ac am ddim hwn yn wledd i’r cyhoedd, ond hefyd yn rhoi neges ddifrifol.

“Mae Gwasanaeth Cerdd Ceredigion wedi cyflawni gwaith gwych yn datblygu talentau lleol dros y blynyddoedd, ond rhaid i’r cyfleon hyn fod ar gael i’r cenedlaethau nesaf.”

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl