Swyddog diogelwch yn “barod i warchod wal Tryweryn, 24/7”

Diweddarwyd  
Rhan ucha'r wal yn bentwr o gerrig wrth ei throed a hanner y gair Cofiwch wedi mynd

Wal Cofiwch Dryweryn wedi ei difrodi ym mis Ebrill 2019

Llun: O ffrwd trydar Jez

Mae swyddog diogelwch o Bort Talbot yn dweud ei fod yn “barod i warchod wal Tryweryn, 24/7”.

Fe fu Kevin Gregory yn Llanrhystud ers rhai wythnosau, yn dilyn y newyddion am ddifrodi’r wal.

Roedd hefyd yn un o’r rhai oedd wrthi’n gwarchod murlun Banksy yn ei dref enedigol.

“Dw i wedi bod yn dilyn hanes y wal yn yr ardal honno ers blynyddoedd,” meddai wrth golwg360.

“Dw i ddim yn siarad Cymraeg, ond mae’n rhan o’n treftadaeth ni, y pentref hwnnw lle codwyd yr argae.

“Ces i fy syrffedu wrth i’r wal gael ei difrodi dro ar ôl tro.

“Dw i newydd ddechrau busnes mewn diogelwch. Dw i wedi bod wrthi’n swyddog diogelwch ers 35 o flynyddoedd, dw i’n 55 oed erbyn hyn.

“Wnes i benderfynu fy mod i am weithio i fi fy hun, ac ro’n i’n gwarchod wal Banksy am fis.

“Fe welais i [hanes wal Tryweryn] ar Facebook, a chysylltu ag ambell i ffrind yn yr ardal, a phenderfynu y byddwn i’n gwneud rhywbeth am y peth.

“Es i yno, a dw i wedi bod yn ei gwarchod yn rhad ac am ddim. Dw i wedi bod yn mynd yno ers rhai wythnosau.”

‘Rhaid’ gwarchod y wal yn barhaol

Mae’n dweud ei fod yn cefnogi’r alwad am warchod y wal yn barhaol.

“Mae’r bobol yno mor neis, ac yn bobol mor wych.

“Dw i wedi dweud wrthyn nhw, unrhyw broblemau a bydda i yno cyn gynted â phosib, dim problem o gwbl.

“Mae’r peth wedi mynd yn enfawr. Mae’n cyrraedd y bobol ac yn gwneud yn dda.

“Mae pobol yn paentio’r graffiti ym mhob man. Dyna sut ddylai hi fod.”

Beirniadu Hefin David

Wrth ymateb i feirniadaeth Hefin David o’r rhai sy’n paentio’r slogan ‘Cofiwch Dryweryn’ ledled Cymru, mae Kevin Gregory yn dweud mai “clown” yw Aelod Cynulliad Llafur Caerffili.

“Does neb ohonom yn talu sylw iddo fe.

“Mae hyn wedi bod yn digwydd ers blynyddoedd, ac mae’n hen bryd fod rhywbeth yn cael ei wneud am y peth nawr.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer