Grant gwerth £2.3m i ariannu cynnyrch misglwyf mewn ysgolion

Diweddarwyd  

Tampon

Llun: CC0

Mae Llywodraeth Cymru wedi cyhoeddi grant gwerth £2.3m er mwyn sicrhau bod cynnyrch misglwyf ar gael yn rhad ac am ddim mewn ysgolion cynradd ac uwchradd ar unwaith.

Fe fydd dros 141,000 o ferched yn elwa o’r cynllun, ac mae Mark Drakeford, prif weinidog Cymru, yn dweud y bydd yn rhoi terfyn ar “dlodi misglwyf”.

Bydd yr arian ar gael drwy law’r awdurdodau lleol, a bydd ysgolion yn cael eu hannog i gefnogi cynnyrch sy’n llesol i’r amgylchedd.

Mae ymchwil yn awgrymu bod 15% o ferched gwledydd Prydain yn ei chael yn anodd fforddio cynnyrch misglwyf, fod rhaid i 14% fenthyg cynnyrch gan eu ffrindiau, a bod 20% wedi cael eu gorfodi i ddefnyddio cynnyrch o safon is oherwydd y gost.

Mae’r cynllun yn dilyn esiampl Llywodraeth yr Alban, sydd eisoes yn ariannu cynnyrch mewn ysgolion, colegau a phrifysgolion ers y llynedd.

Mae disgwyl i gynllun tebyg gael ei lansio yn Lloegr ym mis Medi.

Ymrwymiad

“Rydym wedi ymroi i gefnogi urddas misglwyf a chynnal ein buddsoddiad mewn ysgolion er mwyn helpu i roi terfyn ar dlodi misglwyf,” meddai Mark Drakeford.

“Ym mis Mawrth, fe wnaethon ni ddatgan y byddai cynnyrch misglwyf ar gael i bob merch yn ysbytai Cymru – jyst bod yr un peth yn digwydd ar draws ein hysgolion.

“Mae’n hanfodol fod cynnyrch misglwyf digonol, ynghyd â chyfleusterau da, ar gael i bob merch sy’n cael addysg fel y gallan nhw reoli eu misglwyf yn hyderus, a dileu rhwystr diangen i’w haddysg.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019