Brexit eisoes wedi “difrodi enw da” y Deyrnas Unedig

Diweddarwyd am  
Pen ac ysgwydd o Mark Drakefordd

Mark Drakeford

Llun: O gyfri Twitter Mark Drakeford

Mae “enw da” y Deyrnas Unedig wedi cael ei “ddifrodi” gan Brexit a’r Ceidwadwyr, yn ôl Mark Drakeford, prif weinidog Cymru.

Dyna fydd e’n ei ddweud wrth annerch cynhadledd ei blaid yn Llandudno heddiw (dydd Sadwrn, Ebrill 13).

Er i’r Undeb Ewropeaidd gytuno i ohirio Brexit ymhellach yr wythnos ddiwethaf, mae’r arweinydd yn pryderu bod Brexit heb fargen yn fygythiad o hyd.

Ac wrth annerch aelodau’r Blaid Lafur bydd yn rhybuddio bod y broses eisoes wedi gwneud niwed i wledydd Prydain.

“Difrodi enw da”

“Mae’r trafodaethau gyda’n partneriaid yn yr Undeb Ewropeaidd wedi difrodi enw da’r Deyrnas Unedig,” bydd yn dweud.

“Ac er gwaetha’ cytundeb yr wythnos diwethaf, dyw’r bygythiad o adael yr Undeb heb ddêl ddim wedi cael ei waredu.

“Mae’r risgiau o adael heb gytundeb  yn parhau yn uwch yng Nghymru. Ac mae’r risgiau yn waeth oherwydd bod degawd o gyni ariannol wedi niweidio ein gwasanaethau cyhoeddus a’n cymunedau.”

“Gobaith”

Bydd hefyd yn galw ar y gynhadledd i fod yn “ddewr”, ac yn galw ar bobol Cymru i “edrych i’r dyfodol â gobaith”.

“Gallan nhw wneud hynny gan wybod bod yna Lywodraeth Llafur yng Nghymru sydd ar eu hochr nhw,” bydd yn dweud wrth y gynhadledd.

“Mae ganddyn nhw Lywodraeth Llafur sydd yn ymdrechu pob awr o bob dydd i edrych ar ôl Cymru, ac i edrych ar eu holau nhw.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer