Marwolaeth cynghorydd Plaid Cymru mewn damwain yn “dorcalonnus”

Diweddarwyd am  
Paul James

Paul James

Llun gan Blaid Cymru

Mae Paul James, 61, oedd yn gynghorydd Plaid Cymru yn ward Llanbadarn Fawr ger Aberystwyth, wedi marw.

Cafodd ei ladd mewn gwrthdrawiad gyda dau gar wrth iddo seiclo ar yr A487 rhwng Waun Fawr a Bow Street, ger Aberystwyth ddoe (Dydd Iau, Ebrill 11).

Fe ddigwyddodd am tua 5.30 yr hwyr a bu farw ar ôl iddo ddioddef o anafiadau, meddai Heddlu Dyfed Powys.

“Torcalonnus”

“Mae’n dorcalonnus clywed am golled fy ffrind Paul James – colled enfawr i gymaint o bobol… ond yn enwedig ei deulu,” meddai Elin Jones, AC Ceredigion, ar Facebook.

“Daeth ei deulu yn gyntaf, bob tro, wedyn ei drigolion, wedyn, ddim yn bell y tu ôl, pawb arall. Fe

wasanaethodd cymuned Llanbadarn gydag angerdd a diwydrwydd, ac roedd o’n dryw i’w holl achosion.”

“Colled fawr iawn”

“Mae’n golled fawr iawn iawn, ac mae ei deulu am ei fethu yn fawr iawn,” meddai Paul Hinge, Cynghorydd y Democratiaid Rhyddfrydol yn ward gyfagos Tirymynach.

“Bu’n gwasanaethu yn y fyddin am flynyddoedd, ac fe fydd llawer iawn o bobol yn ei fethu am byth.”

Mae’r heddlu yn apelio am dystion ac mae archwiliad i amgylchiadau’r gwrthdrawiad wedi cael ei lansio.

Yn benodol maen nhw eisiau siarad gydag unrhyw un sydd wedi gweld beiciwr yn teithio tuag at Aberystwyth, neu Ford Galaxy a Vauxhall Vectra glas ar adeg y gwrthdrawiad.

Dylai unrhyw un sydd efo gwybodaeth gysylltu ar 07811 311 908 gan ddyfynu 319.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019