Bwriad i gryfhau argloddiau Llyn Tegid er mwyn atal llifogydd

 

Llun: CC0

Mae Cyfoeth Naturiol Cymru yn cynllunio gwaith er mwyn sicrhau bod llyn naturiol mwyaf Cymru, Llyn Tegid, yn parhau’n ddiogel.

Yn ystod arolwg gan swyddogion y corff amgylcheddol, fe godwyd “rhai materion” ynghylch gallu argloddiau’r llyn i wrthsefyll “digwyddiadau eithafol” yn y tymor hir.

Ond maen nhw’n mynnu nad oes yna “unrhyw bryderon” ar hyn o bryd, ac mai bwriad y gwaith yw cryfhau’r argloddiau a gwella amddiffyniad tonnau glan y llyn.

Mae argloddiau Llyn Tegid yn “hanfodol” ar gyfer amddiffyn tref Y Bala rhag llifogydd, meddai Cyfoeth Naturiol Cymru.

Diogelu coed

Wrth i’r gwaith gael ei gynnal, dywed Cyfoeth Naturiol Cymru eu bod nhw am geisio diogelu a chadw coed gwerthfawr lle bo modd.

Fe fyddan nhw hefyd, medden nhw, yn “ymgynghori’n eang” a’r gymuned cyn i gais cynllunio ar gyfer y gwaith gael ei gyflwyno i Awdurdod Parc Cenedlaethol Eryri yn ddiweddarach eleni.

“Rydym yn ymwybodol bod rhai yn lleol yn pryderu ynghylch yr angen i dorri coed – coed ynn yn bennaf sydd eisoes wedi’u heffeithio gan glefyd – sy’n tyfu yn yr argloddiau ac yn eu gwanhau,” meddai llefarydd ar ran Cyfoeth Naturiol Cymru.

“Rydym yn addo gweithio gyda’r gymuned i ddatblygu syniadau am gyfleoedd amgylcheddol a hamdden i gyd-fynd â’r cynllun hwn a lliniaru ar effaith unrhyw goed y bydd yn rhaid eu torri.”

Does dim disgwyl i’r gwaith ddechrau tan hydref 2020.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl