Gwahardd cynghorydd Llafur o Sir Ddinbych wedi sylw am deithwyr

Diweddarwyd  
Y Cynghorydd Bob Murray

Y Cynghorydd Bob Murray

Llun oddi ar wefan Cyngor Sir Ddinbych

Mae cynghorydd o Sir Ddinbych wedi ei wahardd o’r Blaid Lafur yn dilyn sylw a wnaeth ynghylch teithwyr ar y cyfryngau cymdeithasol.

Yn ôl adroddiadau, roedd y sylw a gafodd ei gyhoeddi ar Facebook gan gyfrif y Cynghorydd Bob Murray, sy’n cynrychioli De Orllewin Prestatyn, yn nodi bod gan “Hitler y syniad cywir” ynglŷn â theithwyr.

Mae’n ymddangos bod y sylw, a oedd ynghlwm â neges ynghylch teithwyr a gafodd ei chyhoeddi gan Paul Penlington, un arall o gynghorwyr Prestatyn, bellach wedi ei ddileu.

Mae Bob Murray wedi dweud nad oes ganddo sylw i wneud ar y mater.

Dywed y Blaid Lafur fod Bob Murray wedi ei wahardd o’r Blaid Lafur tra bo ymchwiliad yn cael ei gynnal.

Mae Ombwdsmon Gwasanaethau Cyhoeddus Cymru hefyd wedi cadarnhau eu bod nhw wedi derbyn cwyn ynghylch y mater, ac y byddan nhw’n ystyried pa gamau i’w cymryd nesaf.

“Ymchwiliad llawn”

Yn ôl llefarydd ar ran y Blaid Lafur, maen nhw’n delio â “chwynion ynghylch ieithwedd fygythiol neu ragfarnllyd yn hynod ddifrifol”.

“Byddwn yn ymchwilio’n llawn i’r mater yn unol â’n rheolau ac fe fydd unrhyw gamau disgyblu priodol yn cael eu cymryd,” meddai llefarydd.

“Dydyn ni ddim yn gwneud sylw ar achosion unigol.”

Dywed yr Aelod Seneddol Llafur, Chris Ruane, sy’n cynrychioli etholaeth Dyffryn Clwyd, ei fod wedi ei “ffieiddio” tuag at sylw Bob Murray.

“Mae’r math yma o ieithwedd yn hollol annerbyniol ac yn mynd yn groes i werthoedd y Blaid Lafur a’n gwerthoedd fel rhan o gymdeithas oddefgar,” meddai.

“Dw i wedi adrodd hyn i’r Blaid Lafur ac fe fydda i’n sicrhau bod ymchwiliad llawn yn cael ei gynnal.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer