Mwy o arian i deuluoedd dalu am gyfarpar ysgol i’w plant

 
Pen ac ysgwyddau Kirsty Williams

Kirsty Williams, Ysgrifennydd Addysg Cymru

Llun: Cynulliad Cenedlaethol Cymru CC 2.0

Fe fydd £3.4m o arian ychwanegol yn cael ei roi i deuluoedd er mwyn iddyn nhw allu talu am gyfarpar ysgol i’w plant.

Bydd yr arian, sy’n ehangu’r Grant Datblygu Disgyblion sy’n bodoli eisoes, yn rhoi cymorth i 14,000 o ddisgyblion ychwanegol.

Mae’r grant, a gafodd ei gyflwyno y llynedd, yn helpu teuluoedd i dalu am wisg ysgol a chit chwaraeon, yn ogystal â chyfarpar ar gyfer gweithgareddau y tu allan i’r ysgol, gan gynnwys clybiau chwaraeon a theithiau dysgu awyr agored.

“Mae torri’r cylch tlodi ac anfantais yn hollbwysig, ac mae’n ganolog i’n hymgyrch genedlaethol i godi safonau ar gyfer pob un o’n dysgwyr,” meddai Kirsty Williams, y Gweinidog Addysg, sy’n cyflwyno’r grant newydd heddiw (Dydd Sadwrn, Ebrill 6).

Carfan ehangach o ddisgyblion

Gyda’r arian ychwanegol, bydd teuluoedd disgyblion Blwyddyn 7 sydd yn gymwys yn derbyn £200 yn lle’r £125 maen nhw’n ei gael ar hyn o bryd.

Bydd y cyllid hefyd yn ei gwneud hi’n bosib gwneud plant Blwyddyn 3 a Blwyddyn 10 yn gymwys, a bydd yn helpu plant sy’n derbyn gofal ym mhob blwyddyn ysgol yn orfodol.

“Bydd yr arian ychwanegol a gyhoeddwyd heddiw yn golygu bod mwy o ddisgyblion yn gymwys i gael cyllid,” meddai Kirsty Williams.

“Bydd mwy o arian ar gael i rieni plant sy’n mynd o’r ysgol gynradd i’r ysgol uwchradd sydd, fel rydyn ni’n gwybod, yn gallu bod yn gyfnod drud.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones