Arolygwyr addysg yn canmol gwelliannau yn Ysgol Penglais

Diweddarwyd  
Disgybl yn ysgrifennu mewn llyfr nodiadau

Mae Ysgol Penglais bellach wedi ei thynnu oddi ar restr o ysgolion sydd angen ‘gwelliant sylweddol’, yn dilyn ymweliad gan arolygwyr fis diwethaf.

Y llynedd, bu pryderon gan rieni ynglŷn â safon y dysgu yn yr ysgol uwchradd yn Aberystwyth, yn sgil diffyg cyllid a thoriadau i nifer y staff.

Ond mae adroddiad gan y corff arolygu, Estyn, a ymwelodd â’r ysgol ym mis Mawrth, yn tynnu sylw at ddatblygiadau yn ansawdd y dysgu.

Yn ôl Cyngor Ceredigion, fe welodd yr arolygwyr fod disgyblion bellach yn gwneud “cynnydd addas ac yn ymddwyn yn dda yn yr ysgol” o ganlyniad i welliannau, gyda “pherthynas waith da” rhwng athrawon a myfyrwyr.

“Canfu’r arolygwyr bod arweinyddiaeth ar draws yr ysgol wedi gwella, gyda systemau cryf bellach yn eu lle sy’n gwneud yn siŵr bod yr ysgol yn gwella yn gyflym,” meddai llefarydd.

“Mae hyn wedi arwain at welliannau yng nghyflawniadau myfyrwyr, safonau ymddygiad a phresenoldeb myfyrwyr.”

“Gweithio’n ddiflino”

Yn ôl Pennaeth Ysgol Penglais, Mair Hughes, mae staff yr ysgol “wedi gweithio’n ddiflino” i wella ansawdd y dysgu yn yr ysgol, ynghyd â gwella ymddygiad a chynnydd myfyrwyr.

“Rwy’n falch iawn bod yr arolygwyr yn cydnabod yr effaith y mae’r gwaith caled wedi ei chael ar gynorthwyo myfyrwyr i wneud y cynnydd y maen nhw yn ei haeddu,” meddai.

“Mae hefyd yn cydnabod y myfyrwyr parchus a gweithgar sydd gennym ym Mhen-glais a’r cynnydd da maen nhw’n ei wneud, gyda rhai yn gwneud cynnydd cyflym.

“Mae’n bleser gweithio gyda’r staff a’r myfyrwyr rhagorol o fewn yr ysgol a byddwn yn parhau i weithio’n galed i sicrhau ein bod yn ysgol hapus, uchelgeisiol a hynod o dda ein gweledigaeth.”

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl