Cerddi Eifion Lloyd Jones “ar gyfer cenedlaethau’r dyfodol”

Diweddarwyd  

Eifion Lloyd Jones

Llun o’r darllediad ar S4C

Mae Eifion Lloyd Jones wedi cyflwyno’i gyfrol gyntaf o farddoniaeth i’w blant a’i wyrion er mwyn iddyn nhw “gael rhywbeth i gofio amdana i”.

Ac yntau bellach wedi cyrraedd ‘oed yr addewid (70), mae Llywydd Llys yr Eisteddfod Genedlaethol ac un o lefarwyr mudiad Dyfodol i’r Iaith yn gobeithio trosglwyddo “un o brif themâu” ei fywyd i’r cenedlaethau nesaf.

“Mae’n debyg bod Cymru a’r Gymraeg yn un o brif themâu y gyfrol, fel y mae o’n un o brif themâu fy mywyd i wedi bod,” meddai Eifion Lloyd Jones, sydd wedi cynnwys lluniau o’i deulu ar glawr A Chawsom Iaith…

“Dw i’n teimlo mai’r peth pwysig ydy cadw’r iaith rydan ni wedi ei chael a’i throsglwyddo i genedlaethau’r dyfodol.

“Dw i felly’n cyflwyno’r gyfrol i’m plant ac i blant fy mhlant yn y gobaith y byddan nhw’n cadw’r iaith ar gyfer cenedlaethau’r dyfodol.”

Dywed Eifion Lloyd Jones ei fod hefyd wedi defnyddio dyfyniad o gerdd ‘Fy Ngwlad’ gan Gerallt Lloyd Owen wrth edrych yn ôl ar yr “anogaeth” a dderbyniodd gan y cyn-Feuryn ar gyfres Y Talwrn.

“Oni bai am y gyfres honno, go brin y bydd yna gyfrol o’m gwaith yn cael ei chyhoeddi,” ychwanega.

Apêl cyfathrebu

Mae’r gyfrol wedi ei rhannu’n adrannau, gyda’r rheiny’n cynnwys cerddi personol i deulu a chydnabod, cerddi cyffredinol am gyflwr Cymru a’r byd, a cherddi ysgafn er mwyn difyrrwch.

Yn ôl Eifion Lloyd Jones, sy’n gyn-ddarlithydd yn Adran Gyfathrebu’r Coleg Normal, Bangor, ac hefyd yn gyn-ddarlledwr gyda HTV Cymru, mae dawn dweud wedi apelio ato erioed.

“Mae rhywbeth sydd wedi ei ddweud yn dda wedi creu argraff arna i erioed,” meddai.

“Roeddwn i’n gwneud llawer o siarad cyhoeddus pan oeddwn i’n ifanc ac roedd hynny oherwydd bod gweld a chlywed pethau wedi ei ddweud yn grefftus ac yn gofiadwy yn annog rhywun i geisio efelychu hynny mewn gwahanol ffyrdd.

“Felly dweud pethau’n dda, dw i’n credu, oedd y sail i ddechrau gwneud hynny mewn barddoniaeth.”

Dyma Eifion Lloyd Jones yn darllen cerdd agoriadol y gyfrol, ‘Cwrteisi’…

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl